दलितलाई ‘प्रतिभा जाती’ भनाउने माग

१२ चैत्र २०६९, सोमबार १६:५८ मा प्रकाशित

काठमाडौं, १२ चैत । नेपाली समाजलाई आफ्नो सिप र प्रतिभाबाट विकासको क्रममा अघि बढाउँदै आएको जातीहरुलाई अपमानजनक रुपमा ‘दलित’ नभन्न आग्रह गरिएको छ । प्रतिभा जाती नागरिक समाज–नेपालले अब बन्ने संविधानमा दलितको साटो प्रतिभा जाती उल्लेख गर्न माग गर्दै यस्तो आग्रह गरेको हो ।
राजधानीमा सोमबार आयोजित कार्यक्रममा समाजका अध्यक्ष दलवीर विश्वकर्मा रसाईलेले आफूहरुलाई दलित भनेर अपमानित गर्ने काम गरिएको भन्दै आगामि संविधानमा दलित भन्ने प्रत्येक शब्दको ठाँउमा ‘प्रतिभा जाती’ लेखाउन अभियान नै चलाएको बताए । उनले दलित शब्दले सधैं प्रतिभासम्पन्न जातीलाई अपमानित र अवहेलित पारेको भन्दै यो शब्द नहटेसम्म मुलुकमा जातीय छुवाछुत र विभेद अन्त्य हुन नसक्ने दाबी गरे ।
उपाध्यक्ष लेखबहादुर सुनारले संसारमा महिला र पुरुष गरी दुई मात्रै जाती रहेको अवस्थामा अब बन्ने संविधानले यो मान्यतालाई आत्मसाथ गर्दै स्थापित गर्नुपर्ने धारणा राखे । उनले जातीका आधार राज्यले राहत दिँदा त्यसले जातीय विभेदलाई झनै बढावा दिएको र सो जातीलाई अझै निरीह बनाएको भन्दै अब गरिब र धनीको आधार बनाएर गरिबको उत्थानको लागि कार्यक्रम बनाउनु पर्ने बताए ।
कार्यक्रममा उपाध्यक्षहरु अम्बरबहादुर रनपाल, श्यामकुमार परियार, धनबहादुर बराईली, महासचिव जेवी रसाईली,सचिव ईन्द्रबहादुर विश्वकर्मा, सदस्यहरु रुद्र बराईली, लगायतकाले पनि दलितको ठाँउमा प्रतिभाजाती राखेर मुलुकको उन्नतीमा आफ्नो शिप अर्पण गर्ने जातीलाई सम्मान गर्न आब्हान गरे ।

प्रतिक्रिया
सम्बन्धित खवर

काठमाडौँ । नेपाली महको पहिचान गुम्ने गरी नाजायज मुनाफा लिने उद्देश्यले अखाद्य वस्तु मिसाएर व्यवसाय गरेको भन्दै हालै केद्रीय अनुसन्धान

काठमाडौं । सत्तारुढ पाँच दलीय गठबन्धनको बैठक अपरान्ह चार बजे पुनः बस्ने गरी सकिएको छ । शनिबार बिहान प्रधानमन्त्री निवास

वासिङ्टन। अमेरिकी रक्षामन्त्री लोयड अस्टिनले शुक्रबार युक्रेनलाई लिएर रुससँगको द्वन्द्व “टार्नै नसकने” अवस्थामा नपुगेको बताउँनुभएको छ । “कूटनीतिक पहलका लागि

काठमाडाैं।पाँच दलीय सत्ता गठबन्धनकाे बैठक प्रधानमन्त्री सरकारी निवास बालुवाटारमा जारी छ । केही बेर अघि सुरु भएकाे बैठकमा प्रधानमन्त्री एवं कांग्रेस