नागरिकता प्रकरणमा मुछिएका झा एमाले छोडी एमाओवादीतिर

८ चैत्र २०६९, बिहीबार ०७:५७ मा प्रकाशित

काठमाडौं, ८ चैत । एमालेका प्रभावशाली नेता केपी ओलीसँग विशेष टक्कर प्रदर्शन गर्दै आएका मधेसका रामचन्द्र झा अन्ततः एमाओवादी प्रवेश गर्ने निचोडमा पुगेको उनीनिकट स्रोतले जानकारी दिएको छ । अशोक राईले जातीय पार्टी निर्माण गर्दा नै सँगै पार्टी छाड्न लागेको घोषणा गरेका झा त्यतिबेला बल्झिएको नागरिकता विवादमा पार्टीले जोगाइदिने भएपछि रोकिएका थिए । उनी भारतीय नागरिक भएको, केही वर्षअघि मात्रै उनले नेपाली नागरिकता लिएकोले छानबिन गरी कारवाही हुनपर्ने विषय त्यतिबेला निकै चर्चामा थियो । अहिले सो सन्दर्भ फेरि ओझेलिएको मौका पारेर उमालेको पोलिटब्यूरो सदस्यसमेत रहेका रामचन्द्र झा आगामी चुनावमा एमाओवादीले मधेसी मोर्चासँग गर्न लागेको सम्भावित चुनावी एलाइन्समाथि नजर राखेर एमाओवादी प्रवेश गर्न लागेको स्रोतको दाबी छ ।
राज्य पुनःसंरचनाबारे एमालेसँग आफ्नो विचार नमिलेकाले विचार मिल्ने कम्युनिस्ट पार्टीसँग सहकार्य गर्ने भन्दै यसमा एमाओवादी नै आफ्नो सोचअनुरुपको रहेको तर्क झाले आफूनिकटकाहरुसँग गर्ने गरेका छन् । संघीयता र राज्यपुनर्संचनाको सवालमा एमाले धर्मरिएको आरोपसमेत झाले लगाएका छन् ।

प्रतिक्रिया
सम्बन्धित खवर

काठमाडौं।निर्वाचन घोषणाको सवालमा सत्तारूढ गठबन्धन संविधान र कानूनको परिपालना भन्दा पनि बढी नाफा र घाटाको जोडघटाउमा लागेको छ । कानून

दाङ। कोरोना भाइरसको संक्रमणबाट बच्नका लागि दाङमा अग्रपंक्तिमा रहेर काम गर्नेहरूलाई खोप दिन थालिएको छ । स्वास्थ्यकर्मी, सपाइकर्मी, सुरक्षाकर्मी र सञ्चारकर्मीलाई

सुर्खेत। कर्णालीका मुख्यमन्त्री जीवनबहादुर शाहीले आफ्नो सम्पत्ति विवरण सार्वजनिक गरेका छन् । मुख्यमन्त्री भएको करिब चार महिनापछि आफ्नो सम्पत्ति विवरण सार्वजनिक

दाङ। कोरोना संक्रमण दर बढ्दै जाँदा नागरिक स्तरबाट भने स्वास्थ्य सुरक्षा मापदण्ड पालनामा गम्भीर लापर्वाही देखिएको छ । स्वास्थ्य क्षेत्रका जानकारहरूले कोरोना संक्रमणबाट