टेम्पोमा ठेक्किएर अर्थका उपसचिवको निधन

६ चैत्र २०६९, मंगलवार १८:२३ मा प्रकाशित

काठमाडौं, ६ चैत । टेम्पोको झ्यालको डण्डीमा टाउको ठोकिएर अर्थमन्त्रालयका एक उपसचिवको निधन भएको छ । काठमाडौं महानगरपालिका–३४ पुरानो बानेश्वर निवासी ५५ बर्षीय उपसचिव ज्ञानराज श्रेष्ठको मंगलबार बिहान मृत्यु भएको हो ।
बिहान साढे आठबजे रत्नपार्कबाट सिनामंगलतर्फ गइरहेको बा.१ ह ३६५१ नम्वरको सफा टेम्पोमा श्रेष्ठ ज्ञानेश्वर चोकबाट घर जान चढेका थिए । रातोपुल नपुग्दै अचानक टेम्पोले ब्रेक लगाउँदा टेम्पोको झ्यालको डण्डीमा टाउको ठोक्किन गई उनी अचेत भएका थिए । सोही टेम्पोमा सवार महाराजगंजकी प्रियंका ढुङ्गेल र सुमेरु प्रधानले ज्ञानेश्वर मोडमा रहेको मेडिकल पसलमा लगी थप उपचारको लागि नोवेल अस्पताल पुरयाइदिएका थिए । त्यहाँ उपचार हुन नसकेपछि थप उपचारको लागि नर्भिक अस्पताल थापाथली लगेकोमा उपचारकै क्रममा मृत्यु भएको थियो ।
असावधानीका साथ टेम्पो चलाएको अभियोगमा जोरपाटी बस्ने काभ्रेका ३० बर्षीय टेम्पो चालक अशोक तामाङलाई प्रहरीले नियन्त्रणमा लिएको छ ।

प्रतिक्रिया
सम्बन्धित खवर

काठमाडौं । अघिल्लो स्थानीय तह निर्वाचनमा नेकपा एमालेले धनकुटामा ‘क्लिन स्वीप’ गरेको थियो । तीन नगरपालिकासहित ७ पालिका रहेको धनकुटामा

काठमाडौं । स्थानीय तह निर्वाचनको मतगणना भइरहँदा हालसम्म तीन दलले एक सयभन्दा बढी पालिकाको प्रमुख तथा अध्यक्ष आफ्नो पोल्टामा पार्न

रुपन्देही । स्थानीय तह निर्वाचनको मत परिणाम धमाधम आइरहेको छ । यसै क्रममा लुम्बिनीका १०९ मध्ये ८१ स्थानीय तहको नतिजा

ललितपुर । ललितपुर महानगरपालिकमा हालसम्म नौ वटा वडाको मतगणना हुँदा पाँच वडाको वडाध्यक्षमा नेपाली कांग्रेसका उम्मेदवार विजयी भएका छन् ।