कोलोराडोमा कवि गोष्ठी सम्पन्न

२० चैत्र २०६८, सोमबार ००:२६ मा प्रकाशित

कोलोराडो । अन्तराष्ट्रिय साहित्य समाजको कोलोराडो च्याप्टरको नियमित कवि गोष्ठी सफलता पूर्वक सम्पन्न भएको छ कार्यक्रममा रचना वाचनको साथमा गायिका उर्मिला श्रेष्ठ तथा अर्की गायिका निर्मला श्रेष्ठले “खोलाको तीरमा नाँचेर हिंडछे त्यो कालो जुरेली, त्यो कालो जुरेली “बोलको गीत गायक हिरण्य भोजपुरेको गितारको धुनमा गाउनु भएको थियो ।

दिदी बहिनीको आवाजमा यो गीत घन्किदा साँच्चै पुरानो जमानाको लेकाली समूह नै उर्लिएर आए झैं भान भएको थियो । उक्त कवि गोष्ठी साहित्यमय मात्र नभएर संगीतमय पनि बनेको थियो ।

कवि गोष्ठीमा गजलकार मनु ब्राजाकी, गायक हिरण्य भोजपुरे,अन्तर्राष्ट्रिय साहित्य समाजका केन्द्रिय अध्यक्ष ज्ञानेन्द्र गदाल, उर्मिला श्रेष्ठ, निर्मल प्याकुरेल, आचार्य प्रभा, मीना पौडेल, साहरा कार्की, कृष्ण मुरारी ढुङेल, भुपेन्द्र महत, दिनेश कार्की, राजु सिटौला, पदम विश्वकर्माले आ-आफ्ना रचनाहरू वाचन  गर्नु भएको थियो ।

कोलोराडो च्याप्टरका अध्यक्ष पदम बिश्वकर्माले सञ्चलान गर्नु भएको उक्त कवि गोष्ठीमा रचना श्रवण गर्नु हुनेहरुमा निर्मला श्रेष्ठ, दीप्ती आचार्य, शिरिष भोजपुरे, कृपा श्रेष्ठ, प्रसन्नराज मोक्तान/श्रीमती मोक्तान, रवि कार्की, मनोज तुलाधार हुनुहुन्थ्यो । उक्त कवि गोष्ठीको अन्तिम चरणमा मीठो भोजन र जलपानको बन्दोबस्त पनि गरिएको थियो । कार्यक्रमको समापन गर्नु हुँदै अध्यक्ष पदम बिश्वकर्मा ज्युले आयोजक शिरिष भोजपुरे र श्रीमती कृपा श्रेष्ठप्रती आभार व्यक्त गर्नु भएको थियो । यसरी कोलोराडो च्याप्टरद्वारा संचालित कवि गोष्ठीप्रती कोलोराडो बासीहरूको चासो र सहयोग बढ्दै गएको छ।

प्रतिक्रिया
सम्बन्धित खवर

नेपालमा पहिलोपटक चिकित्सासम्बन्धी सम्पूर्ण शब्दको परिभाषा रहेको ‘चिकित्सा शब्दसागर’ विमोचन गरिएको छ । डा विपिन नेपाल, विनयकुमार शर्मा, प्रकाशमणि दाहाल

गैरआवासीय नेपाली संघ भाषा, साहित्य, संस्कृति तथा सम्पदा समितिको साप्ताहिक कार्यक्रम प्रवासी प्रवाहको चवालिसौ शृङ्खलामा नेपाल प्रज्ञा प्रतिष्ठानका कुलपति गंगाप्रसाद

वाग्मती प्रदेशको राजधानी हेटौँडाबाट साहित्य सङ्गम मकवानपुरले यस वर्ष प्रदान गर्ने साहित्य क्षेत्रमा क्रियाशील २० जनालाई विभिन्न सम्मान तथा पुरस्कारको

काठमाडौँ । साहित्यकार विन्दु अधिकारी ढकाल नवीनतम् कथासङ्ग्रह मावली दिदी लिएर आउनुभएको छ । ढकालको दोस्रो कृतिको रूपमा आएको पहिलो