कैदी भगाउन हेलिकप्टरको प्रयोग

५ चैत्र २०६९, सोमबार १७:३८ मा प्रकाशित

एजेन्सी । जेलमा सुरुङ्ग खनेर, भित्ता फोरेर कैदी भागेका समाचार त बेलाबेलामा सुनिदै आएको हो, तर हेलिकप्टर चढेरै कैदी फरार भएको कुरा सायदै कसैले सुनेका थिए ।
तर, यस्तै घटना घटेको छ क्यानडाको मन्ट्रियलनजिक सेन्ट जेरोम जेलमा । उक्त जेलका अधिकारीलाई उद्धृत गर्दै एजेन्सीहरुले जनाएअनुसार गत आइतबार दिउँसो स्थानीय समयअनुसार अढाई बजे एउटा हेलिकप्टर जेलमाथि आयो र डोरी खसाल्यो । बिजुलीको गतिमा सो डोरीमा झुण्डिएर दुई कैदी हेर्दाहेर्दै फरार भए ।
मन्ट्रियलबाट ६० किलोमिटरको दुरीमा भएको उक्त घटनाका क्रममा भागेका दुबै कैदी घाइते भएको बताइएको छ । कैदी भगाउन प्रयोग गरिएको हेलिकप्टर ८५ किलोमिटर टाढा बेवारिसे अवस्थामा भेटिएको थियो । उक्त हेलिकप्टर एक ट्राभल एजेन्सीबाट अपहरण गरिएको बताइएको छ ।
त्यति ठूलो रिस्क मोलेर भागे पनि एक कैदी भने पक्राउ परिसकेका छन् भने पाइलटलाई पनि नियन्त्रणमा लिएर सोधपुछ सुरु गरिएको छ । उक्त इलाका घेराबन्दी गरेर अर्को कैदीको खोजी भइरहेको छ ।

प्रतिक्रिया
सम्बन्धित खवर

एजेन्सी । चीनमा बेइजिङनजिकैको क्षेत्रमा लकडाउन गरिएको छ । कोभिड संक्रमित देखिएपछि यसै साता चीनको राजधानीबाट १०० किलोमिटर दक्षिण पश्चिममा

काठमाडौं । चीनले संसारकै धनी व्यक्ति एलन मस्कलाई सीधा टक्कर दिने अभियान थालेको छ । मस्कले ४२ हजार स्याटलाइट तयार

न्युयोर्क।अमेरिकामा विद्युतीय सवारी साधनहरुको भविष्यबारे गरिएको एउटा पोस्टमा टेस्लाको नाम छुटाएपछि अमरिकी अर्बपति तथा विद्युतीय गाडी निर्माण कम्पनी टेस्लाका मालिक

सिड्नी । अस्ट्रेलियाको औषधि नियामक निकायले १६ र १७ वर्ष उमेर समूहका व्यक्तिलाई पनि कोभिडविरुद्ध बुस्टर डोज दिन अनुमति दिएको