मन्त्री र संवैधानिक निकायका सदस्यमा दलकै सिफारिस, रेग्मी सरकार स्वतन्त्र रहनेमा आशंका

५ चैत्र २०६९, सोमबार १२:३२ मा प्रकाशित

काठमाडौं, ५ चैत । मन्त्रिमण्डलमा नयाँ मन्त्री नियुक्ति गर्ने अधिकार अन्तरिम चुनावी सरकारका अध्यक्ष खिलराज रेग्मीमा रहेको बताउँदैआएका चार दलका नेताहरु आफूनिकटका व्यक्तिलाई मन्त्रीमा सिफारिस गर्न तँछाडमछाड गर्न थालेको बुझिएको छ । बाधाअडकाउ फुकाउमा संविधानको धारा ३८ उपधारा (५) लाई संशोधन गरी अर्को संविधानसभा निर्वाचन समयमा गर्ने प्रयोजनका लागि गठन हुने मन्त्रिपरिषदको अध्यक्षले नै मन्त्रिलगायत संवैधानिक निकायका सदस्यहरु नियुक्ति गर्ने व्यवस्था गरेको छ। तर, आफैले गरेका सहमतिका बुँदा दलहरुले भुल्न लागेको टिप्पणी नागरिक समाजका एक अगुवाले गरे । स्रोतका अनुसार रेग्मीलाई उच्चस्तरीय राजनीतिक समितिका तर्फबाट संयोजक प्रचण्डले संवैधानिक निकाय र मन्त्रीहरूमा नियुक्तिका लागि आइतबार साँझ नै एक सूची बुझाएका छन्। प्रचण्डले अख्तियार अनुसन्धान आयोगको प्रमुखमा प्रस्ताव गरेका लोकमान सिंह कार्कीको नाम तीव्र विवादित बन्न पुगेको छ ।
दलहरुका तर्फबाट तय गरिएको भनिएको मन्त्री एवम् संवैधानिक निकायका सदस्यहरुको उक्त सूचीमा रामेश्वर खनाल, उमाकान्त झा, विद्याधर मल्लिक, सुधा शर्मा, रामकुमार श्रेष्ठ, विजय केसी, बालानन्द शर्मा, वामनप्रसाद न्यौपाने, उमेश मैनाली, शंकर कोइराला, अरविन्द्रकुमार श्रेष्ठ, डा. दिनेशचन्द्र देवकोटा, उदय नेपाली श्रेष्ठ, श्याम मैनाली, बाबुराम आचार्य, छवि पन्त, पुरुषोत्तम ओझा, मोदराज डोटेललगायतको नाम संलग्न रहेको बताइएको छ ।
चुनावी सरकारका अध्यक्ष रेग्मीले एक-दुई दिनभित्रै मन्त्रीमण्डल विस्तार गर्नुका साथै संवैधानिक निकायमा नियुक्तिहरु गरिसक्ने बताइएको छ ।

प्रतिक्रिया
सम्बन्धित खवर

लमजुङ। गएरातिदेखि परेको अविरल वर्षासँगै आएको बाढी पहिरोले डुम्रे–बेँसीसहर सडक र बेँसीसहर–चामे सडक अवरुद्ध भएको छ । डुम्रे बेँसीसहर सडक

काठमाडौं विमानस्थलममा आईएफआर उडान भइरहेको विमानस्थल कार्यालयले जनाएको छ । हाल देशभर मनसुनी वायुको प्रभाव रहेको छ । मंगलबार देशका

काठमाडौँ । एकीकृत समाजवादीपछि जनता समाजवादी पार्टी (जसपा) ले पनि आफ्नो पार्टीबाट सरकारमा सहभागी मन्त्रीहरु फिर्ता बोलाउने निणर्य गरेको छ

टेक्सास । अमेरिकाकाे टेक्सासस्थित सान एन्टोनियोको बाहिरी इलाकामा एउटा लरीमा कम्तीमा ४२ जना आप्रवासी मृत फेला परेका छन् । फेला