‘अब दलहरुले नचाहे मात्र चुनाव हुँदैन’

४ चैत्र २०६९, आईतवार ०८:०५ मा प्रकाशित

काठमाडौं, ४ मंसिर । चुनावी सरकारका मन्त्रीहरुले असार पहिलो साताभित्रै निर्वाचन गरेर देखाउने दाबी गरिरहेको अवस्थामा निर्वाचन आयोगका पूर्वआयुक्तद्वय सूर्यप्रसाद श्रेष्ठ र प्रोफेसर वीरेन्द्र मिश्रले दलहरुकै सहमतिमा सरकार गठन भएकोले असारमा निर्वाचन गर्न सम्भव रहेको जनाएका छन् । दलहरुले अन्तरहृदयदेखि निर्वाचन चाहेका छन् भने असारसम्ममा हुन नसक्ने कुनै कारण नरहेको उनीहरुको ठहर छ ।
तत्कालै निर्वाचन आयोगमा पदाधिकारी नियूक्ती गर्नुपर्ने र बिरोधमा रहेका दलहरुलाई विश्वासमा लिने वातावरण प्रमुख राजनीतिक दलहरुले गर्नुपर्ने उनीहरुको सुझाव छ । निर्वाचनमा सरकारको भूमिका सुरक्षाको मात्रै हुने भएकोले निर्वाचन गर्ने प्रमुख निकाय निर्वाचन आयोगलाई पूर्ण अधिकार दिनु पर्नेमा पूर्व आयुक्तहरुले जोड दिए । चुनावी सरकारका अध्यक्ष खिलराज रेग्मीले सर्वोच्च अदालत छाडिदिए पूर्ण रुपमा निर्वाचनको माहोल बन्ने धारणा पनि उनीहरुले राखे ।
आफूहरुले माओवादी द्धन्दकालको कठिन अवस्थामा समेत निर्वाचन गराएको स्मरण गर्दै अहिले मुलुकमा द्धन्द नभएको र दलहरु निर्वाचनको पक्षमा रहेको बेला निर्वाचन नहुनका लागि त ठूलै घटना वा विशेष कारकतत्व नै सक्रिय हुनुपर्ने तर्क गर्दै निर्वाचन आयोग वा अन्य कुनै प्राविधिक कारणले चुनाव नहुने अवस्था नरहेको दाबी गरे ।

प्रतिक्रिया
सम्बन्धित खवर

काठमाडौँ । एकीकृत समाजवादीपछि जनता समाजवादी पार्टी (जसपा) ले पनि आफ्नो पार्टीबाट सरकारमा सहभागी मन्त्रीहरु फिर्ता बोलाउने निणर्य गरेको छ

टेक्सास । अमेरिकाकाे टेक्सासस्थित सान एन्टोनियोको बाहिरी इलाकामा एउटा लरीमा कम्तीमा ४२ जना आप्रवासी मृत फेला परेका छन् । फेला

कोलम्बो । आर्थिक संकटमा फसेको श्रीलंकाले अत्यावश्यक सेवाहरू बाहेक अन्य सेवामा इन्धन बिक्रीमा दुई साताका लागि रोक लगाएको छ  । तेल

काठमाडौँ।काठमाडौँ महानगरपालिकाले हैजासम्बन्धी समस्या समाधान गर्न चौबिसै घण्टा हटलाइन टेलिफोन सञ्चालनमा ल्याएको छ । जनस्वास्थ्यसम्बन्धी जोखिम पूर्वानुमान गरेर समस्या समाधानमा