संघीयता संस्थागत भए मात्र राष्ट्र बन्छ : राई

१ चैत्र २०६९, बिहीबार १८:१४ मा प्रकाशित

डिल्ली राम अंमाई, बेल्जियम । सङ्घीय समाजबादी दलका नेता अशोक राईले संघीयता संस्थागत भए मात्र राष्ट्रबन्ने भएकाले यसलाई जोडदार रुपमा उठाएको बताएका छन् ।बेल्जियममा अयोजित अन्तरकृया कार्यक्रममा बोल्दै नेता राइले बहुधार्मिक, बहुसांस्कृतिक, बहुजातीय या बहुराष्ट्रिय र भौगोलिक हिसाबले पनि विवधिता भएको नेपाली समाजलाई संघीयताको बाटोबाट मात्र समानता र सहअस्तित्वको बाटामा लान सकिन्छ, त्यसरी मात्रै हार्दिकता, सद्भाव र एकता सुदृढ बन्न जान्छ र राष्ट्र बलियो हुन्छ भन्ने निष्कर्षको आधारमा हामीले संघीयतालाई अघि सारेको बताए ।

राईले आफ्नो पार्टी समाजलाई अग्रगति दिने परिकल्पनासहित जन्मिएको राष्ट्रिय पार्टी हुनुको साथै समानता र सहअस्तित्वका लागि संघीयता, वर्गीय मुक्ति अर्थात् आर्थिक सम्पन्नता र समानताका लागि समाजवाद भन्ने नेपालको वस्तुगत धरातलमा उभिएको मौलिक सिद्धान्त संघीय समाजवाद लिएर जनाताको घरदैलो अभियान सुरु गरेको बताए।

अर्को प्रसंगमा उनले भने मौलिक बाटोबाट अघि जान खोजिरहेका हामी माक्र्सवाद एउटा रिफेन्सियल वा सन्दर्भको रूपमा, प्रेरक तत्वको रूपमा मात्रै हामीले अंगिकार गरेका हौँ । पूँजीवाद, मार्क्सबाद सबैबाट चाहिने चिजहरू हामी केलाएर लिनेछौ। हामीले चाहेको समाजवाद नत चिनको जस्तो हुनेछ,नत यूरोपको जस्तो। यो नेपाली मौलिकतामा आधारित धेरै हदसम्म ब्राजिल र भेनेजुएलाको मोडेलसँग मिल्न सक्छ । त्यो सबै आफ्नै देशको बस्तुस्थितिले निर्धारणा गर्ने कुरा हो।

यसरी उनले भाबुक हुँदै सम्पूर्ण पहिचान सहितको संघियताका पक्षेधरहरुसँग हातेमालो गर्दै अगाडि बढ्न कार्यकर्ताहरुलाई निर्देशन् समेत् दिए। बेल्जियमको आन्त्वेर्पेन स्थित उक्त हलमा जनजाती लगायत थुप्रै नेपालीहरु नयाँ पार्टिका नयाँ नेता हेर्न र नयाँ कुरा सुन्न भेला भएका थिए ।

प्रतिक्रिया
सम्बन्धित खवर

अमेरिकाको टेक्सास राज्यस्थित युलेस सिटी काउन्सिल मेम्बरमा नेपाली मूलका टीका पौडेल विजयी हुनुभएको छ । स्थानीय समयानुसार शनिबार राति सम्पन्न

भाषा मानव जातिले मौखिक, लिखित वा सांकेतिक माध्यममा प्रयोग गर्ने संचार माध्यम हो। संसारका कतिवटा भाषाहरू छन् भनेर एकिन का

बाबा राजेश्वरी थापा, अस्ट्रिया:  बेलायतमा बिहीवार ६ मे २०२१ मा  सम्पन्न स्थानीय निर्वाचनमा हन्सलोस्थित काउन्सिलमा बिष्णु बहादुर गुरुङ्ग मेयर, र

नेपाली समाजिक र साँस्कृतिक संस्था ‘नेसास’ अष्ट्रियाको यहिँ २४ अप्रिल २०२१, शनिबारको दिन सम्पन्न भएको अधिबेशनबाट सर्वसहमतीमा २०२१-२०२३ को लागी