विराटनगरमा डकैती, घटनाबारे प्रहरीलाई थाहा भएन

२८ फाल्गुन २०६९, सोमबार २२:२८ मा प्रकाशित

काठमाडौं, २८ फागुन । गृहमन्त्री विजय गच्छदारले मुलुकको सुरक्षास्थितिमा आफूले निकै सुधार गरेको दाबी गरिरहेका बेला उनको आफ्नै छिमेकी जिल्लामा एक डकैतीको घटना घटेको छ । लज्जास्पद कुरा चाहिँ के छ भने १० लाखभन्दा बढी नगद डकैती गरिएको घटनाको जानकारी २४ घण्टा बितिसक्दासमेत गच्छदारमातहतका प्रहरी निकायलाई हुन सकेन ।
विराटनगर उपमहानगरपालिका(२० स्थित दरैयाबस्तीमा शनिबार राती डाकाहरुको समूहले रु १० लाखभन्दा बढीको लुटपाट गरेको बुझिएको छ। करिब २५ जनाको समूहमा आएका डाकाहरुले हवाइ फायर गर्दै स्थानीय छ घरका परिवारलाई बन्धक बनाइ दुई घरमा लुटपाट गरेको पीडितहरुलाई उद्धृत गर्दै समाचारमा जनाइएको छ ।
राति ११ बजेतिर नकाब लगाएर आएका हतियारधारी समूहले स्थानीयका घरबाट नगद, जिन्सी, खाद्यान्न, लत्ताकपडा लुट्नुका साथै गाई र भैँसीसमेत लगेको पीडितहरुले जानकारी दिएका छन् । सशस्त्र प्रहरी तथा पूर्वाञ्चल क्षेत्रीय प्रहरी कार्यालयको छेउमै सो घटना भए पनि घटनामा संलग्नहरुलाई प्रहरीले हालसम्म पक्राउ गर्न सकेको छैन।

प्रतिक्रिया
सम्बन्धित खवर

काठमाडौ । प्रतिनिधिसभाको बैठकमा संवैधानिक परिषदसम्बन्धी अध्यादेश जबर्जस्ती पेश गरिएको भन्दै प्रमुख प्रतिपक्ष नेपाली काँग्रेसले बैठक कक्षमा नाराबाजी गरेको छ

काठमाडौ । नेपाल कम्युनिष्ट पार्टी दाहाल-नेपाल समूहका अध्यक्ष पुष्पकमल दाहाल ‘प्रचण्ड’ले नेकपा पार्टी विवादबारे सर्वोच्चबाट आएको फैसला अपेक्षा गरेभन्दा फरक

काठमाडौं । कोभिड–१९ बाट विदेशमा यस साता थप दुई नेपालीको निधन भएको छ । गैरआवासीय नेपाली सङ्घअन्तर्गतको स्वास्थ्य समितिका संयोजक

काठमाडौं । नेकपा संसदीय दलको नेताबाट केपी ओलीलाई हटाएर पुष्पकमल दाहाललाई चयन गरिएको पत्र संसद सचिवालयले दर्ता गर्न अस्वीकार गरेको