शिक्षालाई आर्थिक विकाससँग जोड्न विज्ञको सुझाव

चन्द्रकान्त  खनाल/ रुपन्देही, २६ फागुन । अर्थविद् डा. चिरञ्जीवि नेपालले शिक्षालाई आर्थिक क्षेत्रको विकाससँग जोडेर लैजानु पर्ने बताएका छन् । सिद्धार्थ गौतमबुद्ध क्याम्पस बुटवलको २१ औं बार्षिक उत्सव तथा अभिभावक दिवसको अवसरमा क्याम्पसमा आयोजना गरिएको कार्यक्रममा बोल्दै अर्थविद् नेपालले सामुदायिक क्याम्पसहरुले प्राविधिक शिक्षालाई महत्व दिनुपर्ने सुझाव दिए ।
कार्यक्रममा रुपन्देहीका जिल्ला शिक्षा अधिकारी विष्णुप्रसाद अधिकारीले क्याम्पसलाई  जिल्ला  शिक्षा कायालयले सहयोग गर्ने विश्वास प्रकट गरे भने विभिन्न संघसंस्थाका  प्रमुखहरुले  शुभकामना  दिएका थिए । २०४८ सालमा स्थापना भएको क्याम्पसमा शिक्षा मानबिकी तथा ब्यवस्थापनमा स्नाकोत्तर तहसम्म करिव ४ हजार विद्यार्थी अध्ययनरत छन् ।
औषधी ब्यबसायीको शाखामा  सुनिल
यसैबीच औषधी ब्याबसायी संघ  लुम्बिनी अञ्चल शाखाको  आठौ अधिबेशनले अध्यक्षमा  सुनिल श्रेष्ठलाई निर्बिरोध चयन गरेको छ । उपाध्यक्षमा शिब ज्ञवाली र  जहबरलाल न्यौपाने, महासचिबमा सुरज भट्टराई,  सहसचिबमा  प्रकाश ज्ञवाली, कोषाध्यक्षमा  लुकराज न्यौपाने र उपकोषाध्यक्षमा विज्ञानध्वज श्रेष्ठ छानिएका छन् ।सदस्यमा  फर्सुराम पान्डे, थानेश्वर ज्ञवाली, माया भट्टराई, पुरुषोत्तम भट्टराई, राजु पुन, कृष्ण भट्टराई चयन भएका छन ।