मेलाको मौका छोपेर नक्कली भारतीय नोट सटही

२५ फाल्गुन २०६९, शुक्रबार २१:२२ मा प्रकाशित

रासस/ परासी, २५ फाल्गुन । नवलपरासीमा प्रहरीले चार भारतीय नागरिकलाई भारतीय नक्कली नोटसहित  पक्राउ गरेको छ । उनीहरूबाट सात हजार भारतीय नक्कली नोट बरामद गरिएको छ । नवलपरासीको त्रिवेणी नजिकै लागेको मदारबाबा मेलामा नोट सटही गर्दै गरेको अवस्थामा प्रहरीले उनीहरूलाई पक्राउ  गरेको थियो ।
पक्राउ पर्नेमा भारत बिहारको पश्चिमी चम्पारण जिल्ला बेतिया घर भएका २० वर्षीय पिन्टु यादव, भेडीहारी घर भएका २६ वर्षीय विजय विन, १८ वर्षीय मोटन राय र हरिनगरका २५ वर्षीय बवाली राय रहेका छन् ।
उनीहरूले १४ हजार ६८५ रुपियाँ साटिसकेको बताइएको छ । उनीहरूबाट ५०० दरको १२ थान र एक हजार दरको एक थान गरी सात हजार भारतीय नक्कली बरामद गरिएको इलाका प्रहरी कार्यालय बेलाटारीका प्रहरी निरीक्षक डम्बर तामाङले जानकारी दिनुभएको छ ।
पक्राउ गरिएका चारै जनालाई इलाका प्रहरी कार्यालय बेलाटारीमा राखेर अनुसन्धान थालिएको छ । त्रिवेणी नजिकै रुपौलिया कुडिया गाविसको मध्य सीमामा गएको एक हप्तादेखि लागेको मदारबाबा मेलामा आएका भारतीय भक्तजनलाई भारतीय रुपियाँ आवश्यक पर्ने मौका छोपी सटही गरेको नवलपरासी प्रहरीको भनाइ छ ।

प्रतिक्रिया
सम्बन्धित खवर

काठमाडौं । पुस शुक्ल पूर्णिमादेखि वैदिक सनातन हिन्दू धर्मावलम्बीले घरघरमा शुरु गरेको एक महिने स्वस्थानी ब्रत आज विधिपूर्वक समापन गरिँदै

काठमाडौं । प्रधानमन्त्री तथा नेकपा संसदीय दलका नेता केपी शर्मा ओलीले दलको प्रमुख सचेतकमा विशाल भट्टराईलाई नियुक्त गरेका छन् ।

काठमाडौं । सत्तारुढ दलभित्र खटपट चरमोत्सर्गमा पुगेका बेला सरकारले ठूलो संख्या प्रमुख जिल्ला अधिकारी (प्रजिअ) सरुवा गरेको छ । गृह

गुल्लरिया । बर्दियाको बाँसगढी नगरपालिकामा एकै दिन चार बालिका बलात्कारको शिकार भएका छन् । १४ वर्षीय एक किशोरले एकै दिन