एमाओवादीले आलटाल गरेको निचोडमा कोइराला, आन्दोलनको विकल्प नभएको ठहर

२१ फाल्गुन २०६९, सोमबार २२:०३ मा प्रकाशित

काठमाडौं, २१ फागुन । प्रधानमन्त्री बाबुराम भट्टराईले ओखलढुङ्गा पुगी तीन दिनभित्रै नयाँ सरकार गठन भई आफू बालुवाटारबाट बाहिरिने उद्घोष गरेकै दिन सोमबार पाँचथरको फिदिम पुगेका नेपाली कांग्रेसका सभापति सुशील कोइरालाले प्रधानन्यायाधीश खिलराज रेग्मीको नेतृत्वमा गठन हुने भनिएको चुनावी सरकार बन्न नदिन एमाओवादीले अनेक जालझेलपूर्ण चाल चलिरहेको दाबी गरेका छन् । नेपाली कांग्रेस पाँचथरद्वारा फिदिममा आयोजित पत्रकार सम्मेलनमा सभापति कोइरालाले एमाओवादी र मधेसवादी दलहरु चुनाव गर्दा आफूहरु नाङ्गिने सम्भावना रहेकाले चुनावी सरकार गठनलाई टारिरहेको आरोप लगाएका हुन् ।
चुनावी सरकार गठनको सम्भावना हट्दै गएको छ भन्दै सभापति कोइरालाले अब आन्दोलनमार्फत अहिलेसम्मका उपलब्धिलाई जोगाउन नेपाली कांग्रेसको नेतृत्वमा आन्दोलनको विकल्प नरहेको धारणा राखे। नेपाली कांग्रेसले विधिको शासन, प्रजातान्त्रिक मूल्यमान्यता, प्रेस स्वतन्त्रता र मानवअधिकारको रक्षालाई भुलेर कहिल्यै कसैसँग सम्झौता नगर्ने  पनि उनले दोहोर्याए ।
यसैबीच उता नेपाली सेनाको हेलिकप्टर चढेर ओखलढुङ्गाको पश्चिमी दुर्गम गाविस ग्रामनाङ पुगेका प्रधानमन्त्री भट्टराईले आउँदो जेठभित्र जसरी भए पनि संविधानसभाको चुनाव गराइसक्ने दाबी गरे। त्यसका लागि प्रधानन्यायाधीश नेतृत्वको सरकार आउँदो तीनदिनभित्रै गठन गरिसक्ने उनले जनाए । माओवादी युद्धकालमा स्थानीयको हत्या अभियोगमा सर्वोच्च अदालतले सर्वस्वसहित जन्म कैद सजाय तोकिएर पनि प्रहरीले फेला पार्न नसकेर पक्राउ नपरेका बालकृष्ण ढुङ्गेल पनि प्रधानमन्त्रीको साथमै थिए ।

प्रतिक्रिया
सम्बन्धित खवर

अन्नप्राशन अर्थात् पास्नी शिशुलाई अन्न भोजन गराउने संस्कार हो । शिशुलाई शुभदिन पारेर पहिलोपटक अन्न भोजन गराउने यो परम्परा नेपालमा

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

संयुक्त राज्य अमेरिकाको औपचारिक भ्रमणमा रहनुभएका प्रधानसेनापति प्रभुराम शर्मा तथा भ्रमणदलका सदस्यहरुले शुक्रबार संयुक्त राष्ट्रसङ्घ मुख्यालयको भ्रमण गर्नुभएको छ ।

काठमाडौँ । न त छाक टर्ने, न त पेट भरिने । नखाए पनि हुने, नखाँदा पछि नपरिने अनावश्यक वस्तुमा समेत