साना दलको छनोटमा परे उपराष्ट्रपति

२१ फाल्गुन २०६९, सोमबार १८:०२ मा प्रकाशित

काठमाडौं, २१ फागुन । प्रधानन्यायाधीशको नेतृत्वमा सरकार घोषणाको मुखैमा प्रमुख राजनीतिक दलहरु पुगिसेको परिवेशमा निर्वाचन आयोगमा दर्ताभएका साना दलहरुको एक गठबन्धनले उपराष्ट्रपति परमानन्द झाको नेतृत्वमा चुनावी सरकार गठन गर्नुपर्ने माग अघिसारेको छ । ४३ वटा साना दलको गठबन्धनले अन्तरिम संविधानबाटै निकास खोज्नुपर्नेमा जोड दिँदै प्रधानन्यायधिसको नेतृत्वमा सरकार गठन गर्नु संविधानविपरित हुने तर्क गरेको छ ।
संविधानको धारा ३६ (ग) र झ १ बमोजिम संविधानसभाको विघटनपछि राष्ट्रपति र उपराष्ट्रपति मात्रै वैद्यानिक संस्थाको रुपमा बाँकी रहेकोले निकासको लागि राष्ट्रपतिले उपराष्ट्रपतिको नेतृत्वमा चुनावी सरकार गठन गरेर अघि बढ्नु पर्नेमा गठबन्धनले जोड दिएको हो ।
गठबन्धनका संयोजक शोभाराम थापाले ठूला दलहरुको सिण्डिकेटमा परेर मुलुक अप्ठ्यारो अवस्थामा पुगेको आरोप लगाउँदै राष्ट्रपति चार दलको घेरबाट निष्किएर निकास दिन लाग्नु पर्ने बताए । उनले संविधानबाहिरबाट खोजिने निकास आफूहरुलाई मान्य नहुने भन्दै संविधानतः बैधानिक हैसियतमा रहेका उपराष्ट्रपतिको नेतृत्वमा चुनावी सरकार गठन गरेर मुलुकलाई निकास दिन माग गरे ।
प्रधानन्यायधिशको नेतृत्वमा चुनावी सरकार गठन गर्नु संविधान र लोकतन्त्रको बलात्कार हुने भन्दै संविधान र लोकतन्त्रलाई बचाई राख्न राष्ट्रपतिको नेतृत्वमा निर्वाचन आयोगमा दर्ता भएका सबै राजनीतिक दलहरुसँगको छलफलको आधारमा मन्त्रीपरिषद गठन गर्नु पर्ने बताए ।
गठबन्धनका सचिव विक्रमबहादुर कुवँरले मुलुकको जिम्मा लिएका चार दल असफल भईसकेको दाबी गरे ।

प्रतिक्रिया
सम्बन्धित खवर

कोलम्बो । आर्थिक संकटमा फसेको श्रीलंकाले अत्यावश्यक सेवाहरू बाहेक अन्य सेवामा इन्धन बिक्रीमा दुई साताका लागि रोक लगाएको छ  । तेल

काठमाडौँ।काठमाडौँ महानगरपालिकाले हैजासम्बन्धी समस्या समाधान गर्न चौबिसै घण्टा हटलाइन टेलिफोन सञ्चालनमा ल्याएको छ । जनस्वास्थ्यसम्बन्धी जोखिम पूर्वानुमान गरेर समस्या समाधानमा

काभ्रेपलाञ्चोक । काभ्रे उपत्यका एकीकृत खानेपानी आयोजनाको निर्माण सम्झौता गरिएको १२ वर्ष भयो । तीन वर्षदेखि आयोजनाको काम ९८ प्रतिशत

काठमाडौँ । नेपाल राष्ट्र बैंकले आज (मंगलबार) का लागि विदेशी मुद्राको विनिमय दर निर्धारण गरेको छ । जस अनुसार भारतीय