इतिहासले गद्दारहरु जन्माएछ : वैद्य

२१ फाल्गुन २०६९, सोमबार ०७:०७ मा प्रकाशित

काठमाडौं, २१ फागुन । मुल्य चार दल बहालवाला प्रधानन्यायाधीशलाई देशको कार्यकारी प्रमुख बनाउन उद्यत रहेका बेला नेकपा माओवादीका अध्यक्ष मोहन वैद्यले राष्ट्रियता ऐतिहासिक रुपमै खतरामा परेको धारणा सार्वजनिक गरेका छन् । झट्ट हेर्दा बाहिरी रुपमा लोकतन्त्र कमजोर बनेको देखिए पनि यथार्थमा मुलुकको अस्तित्व नै संकटमा परेको वैद्यको कथन छ । उनले यतिबेला मुलुकको सत्ता युरोपेली संघ (ईयु) र छिमेकी देश भारतको मुठ्ठीमा कैद रहेको ठोकुवा गर्दै भने, ‘चार पार्टीका नेतालाई भारतीय राजदूत र ईयुका प्रतिनिधिले प्रधानन्याधीशलाई प्रधानमन्त्री बनाउने निर्देशन दिएका हुन् । यहाँसम्म कि शीतल निवासमै गएर राष्ट्रपति र चार दलका नेतालाई हाम्रो मुलुक शासन सत्ताबारे उनीहरुले डिक्टेट गरेका छन् ।’
प्रधानन्यायाधीशलाई चुनावी सरकारको प्रधानमन्त्री बनाउने निर्णय बाह्य रुपमा एमाओवादीको देखिए पनि सबै एजेण्डा विदेशीकै भएको दाबी गर्दै वैद्यले सार्वजनिक गरेको धारणामा आफूलाई पनि विदेशीहरुले प्रधानन्यायाधीश नेतृत्वको स्वतन्त्र चुनावी सरकार बनाउने कुरा पहिले नै सुनाएको खुलासा गरे । चुनावमा भाग लिनु पर्‍यो भनेर ईयु प्रतिनिधि आफूहरूकहाँ आएको भन्दै उनले भाग लिने या नलिने आफ्नो पार्टीको स्वविवेकमा आधारित हुने उनले उल्लेख गरे ।
एमाओवादी अध्यक्ष पुष्पकमल दाहाल र प्रधानमन्त्री बाबुराम भट्टराई विदेशीका दलालका भरपर्दा शक्ति भएको आरोप लगाउँदै उनले समय आएपछि देशघातीहरु जनताको तहबाट बढारिने चेतावनी दिए । इतिहासले गद्दारहरु जन्माएछ भन्ने गुनासो गर्दै वैद्यले प्रचण्ड र बाबुरामप्रति रोष प्रकट गरे । संविधानसभाको निर्वाचन विदेशी एजेण्डा भएको उल्लेख गर्दै उनले आफूहरुले पनि त्यो बोकेर गल्ती गरेको स्वीकार गरे ।

प्रतिक्रिया
सम्बन्धित खवर

काठमाडौं । आठ वर्षअघि सुन्दरी प्रतियोगिताकी एक प्रतिस्पर्धीले आफूमाथि आयोजकले बलात्कार र यौन शोषण गरेको घटना सार्वजनिक गरेसँगै काठमाडौंको माइतीघरमा

हेटौंडा । स्थानीय तह निर्वाचन २०७९ अन्तर्गत हेटौंडा उपमहानगरपालिकाको अन्तिम मत परिणाम सार्वजनिक भएको छ । उपमहानगरपालिकाको मेयर पदमा नेकपा

काठमाडौं । प्रदेश सांसदबाट राजीनामा दिएर तीन जना नेता स्थानीय तह निर्वाचनमा लडे । करोडौं बजेट परिचालन गर्न पाइने र

कैलाली । कैलालीको लम्कीचुहा नगरपालिकाको मेयर र उपमेयरमा सुशीला शाही र जुना चौधरी निर्वाचित भएका छन् । नेपाली कांग्रेसबाट शाही