सपना :: नारायण श्रेष्ठ

२० फाल्गुन २०६९, आईतवार २२:५३ मा प्रकाशित

सपना नै सही
त्यो खोलाको पानीमा खुट्टा चोबल्दै
अंजुली भरेर मुखमा छ्याप्दै
नदी किनारमा बालुवाले नाम लेख्दै
फेरि मेट्दै
जंगलको सेपमा लुकामारी खेल्दै
झ्याउँकिरीले भंग गर्ने मौनता नियाल्दै
भदौरे किरा उडाउँदै
बुटा बुटा नियाल्दै हिंड्ने
बेढंगी मान्छे
आवारा, बेहोसी, बिद्रोही
झुसे दारी र
चायाले ढाकेको कपाल छोपेर हिँड्ने
त्यो एक्लो मान्छे – मै थिएँ ।

बरु त्यो सपनै होस
हिँड्दा बायाँ तिमी थियौ
बाटोमा उज्यालो जुन पोतिएको थियो
निस्फिक्री थियो समयको प्रवाह – पानी जस्तै निस्फिक्री
सफेद, निस्कलंक
रात्री बसले छोडेको यात्रीजस्तो एक्लो कहाँ थियो र?
त्यसरी अभर पारेर जाने
बेला कुबेला सताउने
स्वार्थी रहिन अब म !
तिमीले सोचेजस्तो
अत्यासै लाग्ने एकलकाँटे
बीच बाटैमा छोडेर हिंड्ने एकसुरो
कत्ति पनि रहिन म

सपनै सही
पुरानो जिन्समा हिलो छ्यापिएको जुत्ता भिरेर हिंड्ने
धेरै खाने
अवेर उठ्ने
अल्छी
मजाक गर्नै नआउने
गंभीर
बाक्लो, बोसो भरिएको भए पनि कमलो मुटुको जीउ बोकेर हिँड्ने
तिम्रो लागि
मनभरि
एउटा सपना बोकेर हिंड्ने
म बाहेक अरू
अब कोही हुन सक्दैन ।

प्रतिक्रिया
सम्बन्धित खवर

ताप्लेजुङ । माङ्गेना अनलाइन टिभीको प्रस्तुति रहेको ‘पालाम’को शनिवार ताप्लेजुङ सदरमुकाम फुङ्लिङमा विमोचन गरिएको छ । माघे संक्रान्ति अर्थात् कक्फेक्वा

काठमाडौँ । २०७७ सालको मदन पुरस्कार भगिराज इङनामको लिम्बुवानको ऐतिहासिक दस्तावेज सङ्ग्रह (सम्वत् १७१९-२०२०) ले पाएको छ ।मदन पुरस्कार गुठीले

नुवाकोट स्थायी घर भई काठमाडौँमा रहेर साहित्य सिर्जनामा सक्रिय सर्जकको संस्था त्रिशूली वाङ्मय प्रतिष्ठानको बाह्रौँ साधारणसभाले आगामी दुई वर्षका लागि

काठमाडौं । मदन पुरस्कार २०७७ को प्रारम्भिक सूचीमा ९ वटा पुस्तक परेका छन् । मदन पुरस्कार गुठीले शुक्रबार ९ वटा