महासंघद्वारा अन्तर्राष्ट्रिय व्यापार मेलाको तयारी

२० फाल्गुन २०६९, आईतवार १८:२२ मा प्रकाशित

काठमाडौं, २० फागुन । नेपाललाई अन्तर्राष्ट्रिय जगतमा एउटा ब्राण्डिङको रूपमा प्रवद्र्धन गर्ने भन्दै नेपाल उद्योग बाणिज्य महासंघले काठमाडौंमा दोश्रो नेपाल अन्तर्राष्ट्रिय व्यापार मेला आयोजना गर्ने भएको छ । यही फागुन २५ देखि २९ गते सम्म आयोजना गरिने मेलामा चार सयवटा स्टल मार्फत विभिन्न देशका उत्पादन तथा सेवाको प्रदर्शनी गरिने बताइको छ । नेपाल सरकार वाणिज्य तथा आपूर्ति मन्त्रालयको सहयोगमा हुन लागेको मेलामा भारत, पाकिस्तान, बंगलादेश, भुटान, अमेरिकाको सहभागिता रहने र मेला अवधिभर छिमेकी देश चीन तथा जर्मनबाट ठूलो संख्यामा व्यावसायिक प्रतिनिधिमण्डलबाट अवलोकन हुने महासंघले दाबी गरेको छ ।
प्रत्यक्ष रूपमा मेलाको दुई लाखभन्दा बढीले अवलोकन गर्ने र मेला अवधिभर करिव १५ करोडको कारोवार हुने अपेक्षा महासंघको छ । नेपाल उद्योग वाणिज्य महासंघले यस मेलालाई आफनो वार्षिक क्यालेण्डरको रूपमा विकास गरी लैजान लागेको महासंघका कार्यवाहक अध्यक्ष भाष्करराज राजकर्णिकारले बताए । महासंघले यसलाई मुलुकको प्रमुख कार्यक्रमको रूपमा विकास गर्दै यसलाई अन्तर्राष्ट्रिय जगतमा एउटा ब्राण्डिङको रूपमा लैजाने राजकर्णिकारको भनाई छ । मुलुकभित्र एउटा अन्तर्राष्ट्रियस्तरको प्रदर्शनीस्थल निर्माणका लागि नेपाल सरकारसँग जग्गाको माग गरिरहेको अवस्थामा मन्त्रिपरिषदको हालैको निर्णयबाट अहिलेको यूएन पार्क बागमती किनारको करिब ८० रोपनी जग्गा सरकारले भोगचलनका लागि महासंघलाई दिने निर्णय गरेको र अव छिट्टै महासंघले अन्तराष्ट्रियस्तरको प्रदर्शनीस्थल निर्माणका लागि प्रक्रिया अगाडि बढाउने जानकारी दिए ।

प्रतिक्रिया
सम्बन्धित खवर

काठमाडौं । प्रधानमन्त्री एवम् नेकपा एमालेका अध्यक्ष केपी शर्मा ओलीले वरिष्ठ नेता झलनाथ खनाललाई टेलिफोन गरेर स्वास्थ्य लाभको कामना गरेका

काठमाडौँ । कर तिर्न सरकारले असार २५ गतेसम्म आग्रह गरेको छ । आन्तरिक राजस्व विभागले बुधबार (आज) एक सूचना जारी

काठमाडौं । गत २४ घण्टामा नेपालमा कोभिड १९ बाट थप २८२८ जना संक्रमित भएका छन् । स्वास्थ्य तथा जनसंख्या मन्त्रालयका

सर्लाही । विषाक्त घरेलु मदिरा सेवनबाट सर्लाहीको ब्रह्मपुरी गाउँपालिका–५ पडरियामा आठ जनाको मृत्यु भएको छ । नेपाल–भारत सीमावर्ती क्षेत्रमा पर्ने