वेगमको गाडीले वेग मार्दा…

काठमाडौ, १९ फागुन । शनिबार साँझ  नवलपरासी गैंडाकोटमा गाडीको ठक्करबाट दुईजनाको मृत्यु भएको छ । भरतपुरका मनोज ढकाल र अप्सरा ढुङ्गानाको मृत्यु भएको प्रहरीले जनाएको छ । घटनामा गम्भीर घाइते बनेका उनीहरुको पुरानो मेडिकल कलेज भरतपुरमा उपचारको क्रममा मृत्यु भएको हो । मृतकहरु ना २२ प १५१ नम्बरको मोटरसाइकलमा सवार थिए भने मोटरसाइकललाई ठक्कर दिने बा ६ च ७४०४ नम्बरको जिपमा पूर्वराज्यमन्त्री करिमा वेगम सवार थिइन् । थुम्सी जंगल भनिने स्थानमा भएको सो दुर्घटनामा वेगमसमेत सामान्य घाइते बनेकी छिन् । 
बताइएअनुसार पूर्वमन्त्री वेगम चढेको जिप तीव्र गतिमा रहेकोले नियन्त्रणभन्दा बाहिर गई दुर्घटना निम्तिएको थियो ।