‘प्रधानन्यायाधीशको नेतृत्व नेकपा माओवादीले कुनै हालतमा स्वीकार नगर्ने’

१९ फाल्गुन २०६९, शनिबार १३:५१ मा प्रकाशित

काठमाडौं, १९ फागुन । प्रमुख दलका नेताहरुले प्रधानन्यायाधीशको नेतृत्वमा सरकार गठन गर्नु आजको बाध्यता भन्दै माहोल निर्माण गर्न कसरत गरिरहेका बेला नेकपा-माओवादीले कुनै पनि हालतमा प्रधानन्यायाधीश नेतृत्वको सरकार नमान्ने जनाउ दिएको छ । नेकपा माओवादीका सचिव नेत्रविक्रम चन्द विप्लवले प्रधानन्यायाधीश खिलराज रेग्मीको नेतृत्व अस्वीकार गर्ने बताउँदै चार दलले मात्रै गरेको उक्त निर्णयको खुलेर प्रतिकार गर्नु पर्ने अभिव्यक्ति दिए । 
जन स्वयंसेवक केन्द्रिय समितिको वैठकमा सहभागिता जनाउन पोखरा जाने क्रममा दमौलीमा क्रान्तिकारी पत्रकार महासंघ जिल्ला शाखाले शनिवार गरेको पत्रकार भेटघाटमा सचिव विप्लवले सो अभिव्यक्ति दिएका हुन् । सचिव विप्लवले प्रधानन्यायाधीश रेग्मीलाई प्रधानमन्त्री वनाउने वारेमा स्वयं न्याय क्षेत्रका व्याक्ति तथा संस्थावाट नै विरोध हुनु सकारात्मक भएको उल्लेख गरे । रेग्मीलाई प्रधानमन्त्री वनाउने कुरा विदेशीको एजेण्डा भएको उनको ठहर थियो । उनले राजनितिक दल, आन्दोलनवाट स्थापित शक्ति र विज्ञहरु विच गोलमेच सम्मेलन गरी वर्तमान अवस्थाको निकास दिन आवश्यक भएको दोहोर्याए ।

प्रतिक्रिया
सम्बन्धित खवर

काठमाडौँ ।श्रीमतीको हत्या गरेर जेल परेका सशस्त्र प्रहरीका पूर्व डीआईजीको सजाय घटाउने गरी निलम्बित प्रधानन्यायाधीश चोलेन्द्र शम्सेर राणाले गरेको फैसला

काठमाडौं । सर्वोच्च अदालतले बारामा अन्तर्राष्ट्रिय विमानस्थल निर्माण गर्ने सरकारका अहिलेसम्मका सबै काम कारबाही तथा निणर्यहरु बदर गरिदिएको छ ।

काठमाडौं । स्थानीय निर्वाचनमा सोचेअनुरुपको जीत हासिल गर्न नसकेपछि नेकपा एमाले अध्यक्ष केपी शर्मा ओली सन्निपातको विरामीझै बरबराउन थालेका छन्

काठमाडौं । फोर्ब्स म्यागेजिनले सार्वजनिक गरेको ३० वर्ष मुनिका ३० जना प्रभावशाली एसियान युवाको सूचीमा ५ जना नेपाली परेका छन्