ससुराको पुस्तक विमोचन गर्दै बाबुरामले भने- ‘जेठमा चुनाव पक्का !’

१९ फाल्गुन २०६९, शनिबार १३:२२ मा प्रकाशित

रासस/ काठमाडौं, १९ फागुन । प्रधानमन्त्री बाबुराम भट्टराईले आगामी जेठ महिनाभित्र प्रधानन्यायाधीश खिलराज रेग्मीको नेतृत्वमा चुनाव हुने पक्कापक्की भइसकेको बताएका छन्। प्रधानमन्त्री भट्टराईले धर्मरत्‍न यमीद्वारा लिखित ‘सँदेया लिसः’ खण्डकाव्यको नेपाली अनुवाद पुस्तक ‘ल्हासा बोल्छे’ को लोकार्पण समारोहमा एकले अर्काको खुट्टा तान्ने र निषेधको राजनीति गर्नेहरुका कारण प्राप्त राजनीति उपललब्धि संस्थागत गर्न नसकिएको बताए। उनले कानुनको छिद्रा खोजेर वकालत गर्न चाहाने र विरोधका लागि विरोधै गर्नेहरुले मुलुकको आवश्यकता बुझ्न नसकेको आरोप लगाए। 
आजभन्दा ६७ वर्ष पहिले नेपालभाषामा लेखिएको सो कृतिको नेपाली अनुवाद दुर्गालाल श्रेष्ठले गर्नुभएको हो। यमीले २००२ सालमा कारागारमा बस्दा लेखेको उक्त कृति २००८ सालमा मात्र प्रकाशन भएको हो। यमीका १४ कृति विभिन्न भाषामा प्रकाशन भइसकेका छन्। व्यापारका क्रममा यमी तिब्बतमा सात वर्ष बस्नुभएको थियो। तिब्बत बसाइमा रहँदा तिब्बती केटीले राखेका प्रेम प्रस्तावका विषय कृतिमा समेटिएको छ।
कार्यक्रममा नेपाल प्रज्ञाप्रतिष्ठानका कुलपति वैरागी काइँलाले सो कृति दुःखान्त करुणकाव्य रहेको बताए। सो अवसरमा समालोचक प्रा माणिकलाल श्रेष्ठ, प्राज्ञ सुलोचना मानन्धर, तुलसीदास महर्जनलगायतले प्रकाश पार्नुभएको थियो। कृतिको प्रकाशन ुमूल्याङ्कन मासिकुले गरेको हो।

प्रतिक्रिया
सम्बन्धित खवर

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

संयुक्त राज्य अमेरिकाको औपचारिक भ्रमणमा रहनुभएका प्रधानसेनापति प्रभुराम शर्मा तथा भ्रमणदलका सदस्यहरुले शुक्रबार संयुक्त राष्ट्रसङ्घ मुख्यालयको भ्रमण गर्नुभएको छ ।

काठमाडौँ । न त छाक टर्ने, न त पेट भरिने । नखाए पनि हुने, नखाँदा पछि नपरिने अनावश्यक वस्तुमा समेत

लुम्बिनी । गृहमन्त्री बालकृष्ण खाँणले वर्तमान पाँचदलीय गठबन्धन कुनै दल र नेताकाविरुद्ध नभई संविधानको कार्यान्वयन, लोकतान्त्रिक गणतन्त्रलाई संस्थागत गर्न र