हिमालयन शेर्पा क्लब सोनोमा क्यालिफोर्नियाको आयोजनामा ल्होसार कार्यक्रम सम्पन्न

१९ फाल्गुन २०६९, शनिबार ०३:०६ मा प्रकाशित

लाक्पा शेर्पा, क्यालिफोर्निया । विगत सात वर्ष देखि सोनोमा, क्यालिफोर्नियामा हुँदै आइरहेको २१४० शेर्पा ल्होसार गत २४ फेब्रुअरी २०१३, आइतबारको साँझ भव्य रुपमा सम्पन्न भएको छ । करिब ५:३० बजे लामा नवांग गेले ज्युबाट पूजा कार्य सम्पन्न भएपछी हिमालयन शेर्पा क्लबका अध्यक्ष श्री निमा शेर्पाले स्वागत भाषण गर्नुभयो । प्रमुख अतिथि सोनोमाका मेयर केन ब्राउनले सोनोमाको लोकल कम्युनिटीमा शेर्पाहरुको मेहनत, लगनशीलता र इमान्दारिताको प्रशंसा गर्दै हरेक वर्ष सोनोमामा हुने शेर्पा ल्होसार कार्यक्रमले शेर्पा कम्युनिटी र लोकल कम्युनिटी बीचको सम्बन्ध अझ प्रगाढ हुने विश्वास व्यक्त गर्नुभयो ।

सोनोमा भाइबहिनिहरुको नेपाली राष्ट्रिय गानबाट साँस्कृतिक कार्यक्रमको शुरुवात भएको थियो भने सोनोमा शेर्पाहरुले सामुहिक शेर्पा सेब्रु, हिन्ग्डू शेर्पाले “गुरांस फुल्दा “नृत्य, नाम्डू शेर्पा र कान्छी शेर्पाले “सुनकै भाउ” नृत्य, लक्ष्मी लामा, ज्योति दोङ्ग र रसांग लामाले “परदेशमा बस्ने ए हजुर”(कोरियोग्राफर कल्पना लामा ) , इन्द्र गुरुङ र मनिषा गुरुङले गुरुङ नृत्य, रिता जोशीले नेवारी नृत्य, ग्याल्जेन शेर्पाले हास्य नृत्य, मिंग्मा ल्हामु शेर्पाले “मै मोरीलाई लिन “नृत्य, सोनोमा युवा समुहले शेर्पा सेब्रु, गायक आङ्ग निमा शेर्पाले शेर्पा तथा नेपाली गीत प्रस्तुत गर्नुभयो भने कार्यक्रमको संचालन टाशी “ए”, टाशी “बी”, फिन्जो र अडिरा शेर्पाले गर्नुभयो । स्टेज कार्यक्रमको अन्तमा न्युयोर्कबाट आउनुभएका गायक गम्बु शेर्पा र जी टि भी सिङ्गिङ् सुपरस्टार गायक कर्मा शेर्पाले करिब १ घण्टा विभिन्न गीतहरु गाएर नचाउनुभयो ।

करिब २५० को उपस्थिति रहेको कार्यक्रममा वे एरियाका न्यान्सका नवनिर्वाचित अध्यक्ष उत्तम कार्की र कार्यसमितिका प्राय सदस्यहरु, निवर्तमान अध्यक्ष घन दवाडी लगायत पुराना कार्यसमिति सदस्यहरु, तामांग सोसाइटीका अध्यक्ष कुमार दोङ्ग, तमु समाजका अध्यक्ष गम गुरुङ, वे एरिया नेपाली समाज लगायत अन्य वे एरियाका विभिन्न संघसंस्थाका प्रतिनिधिहरु र विशेषगरी सोनोमाको लोकल अमेरिकन कम्युनिटीको बाक्लो उपस्थिति देखिन्थ्यो । स्टेज कार्यक्रमको समापन पछि शेर्पा सेब्रु र डि जे को संगीतमा सहभागीहरु रातको करिब १:३० सम्म रमिरहेका देखिन्थे ।

प्रतिक्रिया
सम्बन्धित खवर

न्यूयोर्क । न्युयोर्क राज्य संसदमा नेपाली मूलकी सराहना श्रेष्ठले उम्मेदवारी घोषणा गरेकी छिन् । सराहनाले न्युयोर्क राज्य संसदको तल्लो सदनमा

अमेरिका। अमेरिकाको मेरिल्याण्डमा अवस्थित मोर्गन स्टेट युनिभर्सिटीमा कार्यरत एक नेपाली मूलका प्राध्यापकले सो विश्वविद्यालयले प्रदान गर्ने रिसर्च एण्ड स्कलरसिप अवार्ड

न्युयोर्क। पत्रकारितामार्फत मानवताका क्षेत्रमा असाधारण सेवा गरेवापत न्युयोर्क निवासी पत्रकार किशोर पन्थीलाई अमेरिकाको विश्वविद्यालयले मानार्थ पीएचडी अर्थात् डाक्टर अफ फिलोसोफीबाट

काठमाडौं । न्यूयोर्क राज्य संसदको चुनावमा पहिलो पटक नेपाली मूलकी एक युवती सांसद बन्ने सम्भावना बढेको छ । नेपाली मुलकी