सरकार बनाउन दलहरुले सर्वोच्चको फैसला नकुर्ने

१८ फाल्गुन २०६९, शुक्रबार १३:२५ मा प्रकाशित

काठमाडौं, १८ फागुन । प्रमुख राजनीतिक दलहरुबीच मतदाता नामावली, सत्यनिरुपण तथा मेलमिलाप आयोग, जन्मका आधारमा नागरिकता प्राप्त गरेका बुबाआमाका वालिग छोराछोरीको नागरिकता तथा मतदाता नामावलीबारे सहमति बन्न बाँकी नै छ । यी विषयमा सहमति नभएसम्म नयाँ सरकार गठन हुन नसक्ने सन्देश पनि दलका नेताहरु स्वयम् प्रवाहित गरिरहेका छन् । तर, दलहरुले आज राष्ट्रपति रामवरण यादवसँगको भेटमा २४ गते सर्वोच्च अदालतको फैसला आउनुअघि नै नयाँ सरकार बनाउन आफूहरु सहमतिमा पुगेको जानकारी गराएका छन् । उनीहरुले विवादित विषयमा छिट्टै सहमति हुने दाबी पनि राष्ट्रपतिसमक्ष गरेका छन् ।
दलका शीर्ष नेतृत्वबी शुक्रबार बिहान बालुवाटारमा बैठक भएको थियो भने बैठकपछि उनीहरु सोझै शितल निवास लागेका थिए ।
राष्ट्रपतिसँगको भेटपछि नेपाली काँग्रेसका उपसभापति रामचन्द्र पौडेलले चुनावी सरकारको नेतृत्वका बारेमा दलहरुबीच सहमति भइसकेकाले यो बीचमा सरकारले गरेका निर्णय खारेजी हुनुपर्ने जिकिर गरे। चुनावी सरकारको गठन र बाधा अड्काउ आदेशको काम सँगसँगै हुनुपर्ने आवश्यकता उनले औँल्याए।
स्मरण रहोस्, प्रधान न्यायाधीशलाई कार्यकारी प्रमुख बनाउन लागेको विरोधमा सर्वोच्च अदालतमा दायर रिटको विशेष इजलासमा आगामी २४ गते सुनुवाई हुँदैछ। सर्वोच्चले प्रधानन्यायाधीशलाई प्रधानमन्त्री नियुक्त गर्न मिल्ने या नमिल्ने कस्तो फैसला दिने हो कुतुहलको विषय बनेको छ ।

प्रतिक्रिया
सम्बन्धित खवर

अन्नप्राशन अर्थात् पास्नी शिशुलाई अन्न भोजन गराउने संस्कार हो । शिशुलाई शुभदिन पारेर पहिलोपटक अन्न भोजन गराउने यो परम्परा नेपालमा

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

संयुक्त राज्य अमेरिकाको औपचारिक भ्रमणमा रहनुभएका प्रधानसेनापति प्रभुराम शर्मा तथा भ्रमणदलका सदस्यहरुले शुक्रबार संयुक्त राष्ट्रसङ्घ मुख्यालयको भ्रमण गर्नुभएको छ ।

काठमाडौँ । न त छाक टर्ने, न त पेट भरिने । नखाए पनि हुने, नखाँदा पछि नपरिने अनावश्यक वस्तुमा समेत