नेपाली भाषाको वर्ण विन्यास विवाद समाधान गर्न आग्रह

१९ चैत्र २०६८, आईतवार ०१:५३ मा प्रकाशित

काठमाडौ,१९ चैत । नेपाली भाषाको वर्ण विन्यास प्रयोगसम्बन्धी विवादलाई संस्थागत रुपमा समाधान गर्न नेपाली भाषा शिक्षक समाजले आग्रह गरेको छ । समाजले शनिबार एक विज्ञप्ति जारीगरी नेपाली भाषाको वर्ण विन्यास विवादका कारण नेपाली भाषाका पाठक, लेखक, प्रशिक्षक र विद्यार्थीमा अन्यौल छाएको भन्दै तत्काल समाधानको लागि आग्रह गरेको हो ।

हालै नेपाली भाषाका विज्ञ र विद्वानहरुद्वारा ललितपुर घोषणापत्र जारी गरि ब्यक्त गरिएको अन्यौल  सिर्जना गर्ने विचार नेपाली भाषाको आधिकारिक नेपाली बृहत् शब्दकोशमा स्थापित मान्यता विपरीत देखिन्छ । समाजले विज्ञप्ति जारीगरी आग्रह गरेको छ ‘व्यक्ति वा समूहको रुचिका आधारमा भाषिक नियमहरू पछ्याउँदै अगाडि बढ्ने हो भने भाषा अपव्याख्या वा दुर्घटना नहोला भन्न सकिन्न त्यसैले भाषाका नियम आधिकारिक र मानक हुनुपर्छ । भाषाका प्रयोक्ताहरूमा एकरूपता हुनुपर्छ भन्ने नेपालीभाषा शिक्षक समाजको ठहर छ’।

समाजले अन्यौल समाधानका लागि त्रिभुवन विश्वविद्यलाय, नेपाल प्रज्ञा प्रतिष्ठान, पाठ्यक्रम विकास केन्द्र, उच्च माध्यमिक शिक्षा परिषद् जस्ता संस्थासित परामर्श गरी उपयुक्त निकास निकाल्न समेत आग्रह गरेको छ । समाजले भनेको छ,’नेपाली भाषाका परिवर्तित नियम आत्मसात गरेर अगाडि बढेका संस्थाहरूले मौनता चिर्दै अन्योल हटाउन आवश्यक पहलका निम्ति समाज ध्यानाकर्षण गराउन चाहन्छ ।’

प्रतिक्रिया
सम्बन्धित खवर

काठमाडौँ । राष्ट्रिय सूचना आयोगले सूचना नदिने ३३ कार्यालय प्रमुखलाई कारबाही गरेको छ । आयोगले सूचनाको हकसम्बन्धी ऐन, २०६५ को

नुवाकोट । शनिबार विहान भुकम्पको धक्का महसुस भएको छ । आज बिहान ५ बजेर २६ मिनेट जाँदा  भुकम्पको धक्का महसुस

म्याग्दी । म्याग्दीको मालिका गाउँपालिका–४ का विभिन्न स्थानमा पहिराका कारण ६ परिवार विस्थापित भएका छन् । छिपछिपेमा पाँच र महभिरमा

काठमाडौँ । निर्वाचन आयोगले नेपाल सरकारबाट तोकिएको आउँदो मङ्सिर ४ गते हुने सङ्घीय र प्रदेशसभा सदस्यको निर्वाचन एकै चरणमा सम्पन्न