प्रधानन्यायाधीशको प्रस्तावविरुद्ध सर्वोच्चमा अर्को रिट

१६ फाल्गुन २०६९, बुधबार ०७:०६ मा प्रकाशित

काठमाडौं, १६ फागुन । बहालवाला प्रधानन्यायाधीशलाई चुनावी सरकारको प्रमुख बनाउने प्रस्तावविरुद्ध अभिवक्ता भरतमणि जंघमद्वारा सर्वोच्च अदालतमा दायर गरिएको एक मुद्दाको सुनुवाई आगामी २४ गते हुँदैछ, तर सोही विषयमा सर्वोच्चमै अर्को मुद्दा मंगलबार दर्ता गरिएको छ । प्रधानन्यायाधीश खिलराज रेग्मीलाई सरकारप्रमुखमा नियुक्त नगर्नु नगराउनु भनी सरकारका नाममा परमादेश जारी गर्न माग गर्दै अधिवक्त ओमप्रकाश अर्यालले रिट दायर गरेका हुन् ।
उक्त रिटमा प्रधानन्यायाधीश, न्यायाधीश तथा समग्र न्यायापालिकाको स्वतन्त्रतामाथि हस्तक्षेप नगर्न नगराउन पनि परमादेशको माग गरिएको छ भने सर्वोच्च् अदालतका बहालवाला वा पूतपूर्व प्रधानन्यायाधीश या न्यायाधीशलाई सरकार प्रमुख बनाउनेबारे हालसम्म गरेका र यसपछि गरिने प्रस्ताव, सहमति, निर्णय, आदेश वा कामकारबाहीहरु झिकाई उत्प्रेषण आदेशद्वारा बदर गर्नसमेत माग गरिएको छ । अर्यालले आफ्नो रिट निवेदनमा स्वतन्त्र न्यायपालिका र शक्ति पृथकीकरणको मान्यता आत्मसात गर्दै संविधानको धारा १०६ (१)ले सर्वोच्च अदालतको प्रधानन्यायाधीश वा न्यायाधीशलाई न्यायाधीशबाहेक अन्य कुनै काममा नलगाइने वा काजमा नखटाइने व्यवस्था गरेको स्मरण गराउँदै सोअनुरुपको व्यवस्था लागू गर्नुपर्ने उल्लेख गरिएको छ ।

प्रतिक्रिया
सम्बन्धित खवर

अन्नप्राशन अर्थात् पास्नी शिशुलाई अन्न भोजन गराउने संस्कार हो । शिशुलाई शुभदिन पारेर पहिलोपटक अन्न भोजन गराउने यो परम्परा नेपालमा

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

संयुक्त राज्य अमेरिकाको औपचारिक भ्रमणमा रहनुभएका प्रधानसेनापति प्रभुराम शर्मा तथा भ्रमणदलका सदस्यहरुले शुक्रबार संयुक्त राष्ट्रसङ्घ मुख्यालयको भ्रमण गर्नुभएको छ ।

काठमाडौँ । न त छाक टर्ने, न त पेट भरिने । नखाए पनि हुने, नखाँदा पछि नपरिने अनावश्यक वस्तुमा समेत