नातीनातिनीसहित हजुरबुबाको हत्या

१५ फाल्गुन २०६९, मंगलवार १७:४६ मा प्रकाशित

काठमाडौं, १५ फागुन । मोरङ शनिश्चरे–१ भुटानी शरणार्थी शिविर सेक्टर २ हट नम्बर ६ बस्ने २१ वर्षीय राधाकृष्ण न्यौपानेलाई अपहरण गर्ने तीनजनालाई प्रहरीले पक्राउ गरेको छ । पक्राउ पर्नेहरुमा सर्लाही जिल्ला बरहथवा–८ बस्ने ३२ वर्षीय वीरेन्द्रकुमार यादव, बरहथवा–६ बस्ने सुरेश चौधरी र बरहथवा–९ बस्ने ३३ वर्षीय राजदेव चौधरी रहेका छन् । न्यौपानेलाई गत ९ गते उर्लाबारी मोरङबाट अपहरण गरी अपहरणकारीहरुमध्ये राजदेव चौधरीको घरमा बन्धक बनाई राखेको प्रहरीले पत्ता लगाएको थियो ।
यसैबीच संखुवासभाको जलजला–२ बस्ने ६५ वर्षीय लाकबुटी शेर्पा, निजको नाती १४ वर्षीय दावा शेर्पा र नातिनी ९ वर्षीया अप्सरा शेर्पा धारिलो हतियारले घाँटी रेटी हत्या गरेको अवस्थामा फेलापरेका छन् । उनीहरुका सोमबार राति हत्या भएको प्रहरीले जनाएको छ । मृतक शेर्पाको छोरा ४५ वर्षीय लाक्पा शेर्पा बिगत ११ महिनादेखि बैदेशिक रोजगारीको सिलसिलामा कतारमा रहेको, जेठी बुहारीको मृत्यु भइसकेकोले कान्छी बुहारी अर्कै घरमा बसोबास गर्ने गरेको र पारिवारिक कचिङगल नै हत्याको कारण रहेको हुनसक्ने प्रहरीको प्रारम्भिक अनुसन्धानले देखाएको छ ।

प्रतिक्रिया
सम्बन्धित खवर

अन्नप्राशन अर्थात् पास्नी शिशुलाई अन्न भोजन गराउने संस्कार हो । शिशुलाई शुभदिन पारेर पहिलोपटक अन्न भोजन गराउने यो परम्परा नेपालमा

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

काठमाडौँ । स्वास्थ्य तथा जनसङ्ख्या मन्त्रालयले मनसुन सक्रिय रहेकाले आवश्यक पूर्वतयारी तथा सतर्कता अपनाउन सबै अस्पताललाई निर्देशन दिएको छ ।

काठमाडौँ । दैनिक उपभोग्य तरकारी र फलफूलमा पनि हानिकारक विषादीको प्रयोग भएको पाइएको छ । खाद्य, प्रविधि तथा गुण नियन्त्रण