नेपाली बनेर विदेश उड्न लागेका बंगलादेशीहरु पक्राउ

११ फाल्गुन २०६९, शुक्रबार ११:०८ मा प्रकाशित

काठमाडौ, ११ फागुन । वैदेशिक रोजगारीमा सजिलो पर्ने भएकोले बंगलादेशी, भारतीयलगायतका नागरिकले नेपालको पासपोर्ट बनाउने गरेका समाचार धेरै अघिदेखि सार्वजनिक हुँदैआएका थिए । यसै क्रममा नेपाली मेसिन रिडेबल पासपोर्ट (एमआरपी) लिएर विदेश उड्न लागेका १३ जना बंगलादेशी त्रिभुवन विमानस्थलबाट पक्राउ परेका छन् । पक्राउ परेकाहरुले सर्लाहीबाट २०६१ सालमा जारी भएको नक्कली नागरिकताका आधारमा एमआरपी लिएको पाइएको प्रहरीले बताएको छ । साउदी अरबले बंगलादेशीलाई भिसा रोकेकाले उनीहरू नेपाली राहदानीमा जान आएको पनि प्रहरी स्रोतको कथन छ । 
बताइएअनुसार उनीहरूलाई हम्जा नामका बंगलादेशीले ढाका, सांतकिरा हुँदै भारतको कोलकाता, जलपाइगुडी हुँदै नेपालको काँकडभिट्टा भएर काठमाडौं ल्याएका थिए । काँकडभिट्टामा अब्दुल करिम र उनका सहयोगी अब्बास खाँ पठान नामका व्यक्तिहरुले उनीहरूलाई नेपाल भित्र्याएका हुन् ।
पक्राउ परेकाबाहेक अरू १२ जनाको यस्तै नक्कली राहदानीमा भिसा लगाई उडिसकेको प्रहरी अनुसन्धानमा खुलेको छ । तीमध्ये ९ जना हाल साउदी अरेबियामै छन् भने २ साउदीबाट फर्काइएका छन् । एक जनालाई भने जन्म मिति नमिलेका कारण त्रिभुवन अन्तर्राष्ट्रिय विमानस्थलबाट फर्किएको थियो ।
बंगलादेशी नागरिकबाट बरामद भएका अधिकांश नागरिकता सर्लाहीबाट जारी भएका छन् भने केही कपिलवस्तु, सप्तरी र धनुषाका छन् । प्रहरीका अनुसार २०६२ मा सर्लाही प्रशासन कार्यालयमा आगलागी हुँदा सबै अभिलेख जलेका थिए । पछि प्रशासनले जिल्लावासीलाई नागरिता नवीकरण गर्न भनेका बेला त्यसैको फाइदा उठाएर गिरोहमार्फत विदेशी नागरिकले नेपाली नागरिकता बनाएर अरब जाने गरेको प्रहरीले जनाएको छ ।

प्रतिक्रिया
सम्बन्धित खवर

अन्नप्राशन अर्थात् पास्नी शिशुलाई अन्न भोजन गराउने संस्कार हो । शिशुलाई शुभदिन पारेर पहिलोपटक अन्न भोजन गराउने यो परम्परा नेपालमा

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

संयुक्त राज्य अमेरिकाको औपचारिक भ्रमणमा रहनुभएका प्रधानसेनापति प्रभुराम शर्मा तथा भ्रमणदलका सदस्यहरुले शुक्रबार संयुक्त राष्ट्रसङ्घ मुख्यालयको भ्रमण गर्नुभएको छ ।

काठमाडौँ । न त छाक टर्ने, न त पेट भरिने । नखाए पनि हुने, नखाँदा पछि नपरिने अनावश्यक वस्तुमा समेत