पूर्वयुवराज शाहको अवस्था स्थिर

११ फाल्गुन २०६९, शुक्रबार ०६:५५ मा प्रकाशित

काठमाडौं, ११ फागुन । गत मंगलबार हृदयघात भई बैंककस्थित समितिवेज अस्पतालको आईसीयू कक्षमा उपचाररत पूर्वयुवराज पारस शाहको होश अझै नखुलेको बुझिएको छ । भेन्टीलेटरको माध्यमबाट श्वासप्रश्वास प्रक्रिया चलिरहेको र अहिले नै केही भन्न नसकिने प्रतिक्रिया चिकित्सकहरुले दिएको बताइएको छ । स्रोतका अनुसार बिहीबार दोहोर्याएर गरिएको टाउकाको सिटिस्क्यानको रिपोर्टमा साधारण इन्फेक्सन मात्र देखिए पनि मुटुको गति सामान्य नहुँदा उनको एमआरआई गर्न चिकित्सकहरूलाई अप्ठ्यारो भइरहेको छ ।
बुधवार बेलुका पारसलाई ज्वरो बढेको थियो तर बिहीबार दिउँसोसम्म सामान्य अवस्थामा फर्किएको र उनको बढेको मुटुको आकार पनि बिहीबार सामान्य देखिएको बताइन्छ। चिकित्सकका अनुसार बढी रक्तश्राव हुँदा मुटु सुन्निन्छ र आकार ठूलो हुन्छ।
मुटु रोगको उपचारमा संलग्न एक नेपाली चिकित्सकका अनुसार हृदयघात भएको व्यक्तिको ज्यान जोगाउन एक घन्टा महत्वपूर्ण समय हो। त्यस समयमा कुनै नतिजा नआए स्वास्थ्य अवस्था जटिल बन्दै जान्छ। एक घण्टाभित्रै शल्यक्रियागरी भल्वहरु खुलाउनुपर्नेमा चार दिन बित्न लाग्दा पनि अहिलेसम्म सो प्रक्रिया नअपनाइनुले गम्भीर अवस्थाको संकेत गरेको स्रोतको कथन छ । चिकित्सकहरुले पूर्वयुवराज पारसबारे यथार्थ विवरण पूर्णरुपले सार्वजनिक नगरिरहेको अनुमान पनि गरिएको छ ।
यसैबीच उपचाररत पतिलाई भेट्न पूर्वयुवराज्ञी हिमानी शाह बैंकक पुगिसकेकी छिन् भने यसअघि नै पारसकी बहिनी प्रेरणा सिंहसहित पूर्वअधिराजकुमार धीरेन्द्रका छोरी(ज्वाइँ पूजा शाही, डा. राजीव शाही, आदर्श विक्रम राणा र दिलासा बुधबार बैंकक पुगेका थिए । पूर्वराजा ज्ञानेन्द्र शाहले सिमराबाटै छोराको हाल बुझिरहेका र अवस्थामा सुधार नदेखिएको कारण पूर्वमहारानी कोमल पनि बैंकक प्रस्थान गर्ने तयारीमा रहेको स्रोतले जनाएको छ ।

प्रतिक्रिया
सम्बन्धित खवर

काठमाडौं। राष्ट्रियसभाको निर्वाचन सकिएसँगै सत्ता गठबन्धनको भविष्य के हुन्छ भन्ने प्रश्न उब्जिएको छ। सत्ताघटकका अन्य दलले गठबन्धनलाई आगामी संघीय र

काठमाडौं।एमालेमा गएका पूर्वमाओवादी नेताहरू अहिले पछुताउन थालेका छन् । एमाले नेतृत्व व्यक्तिवादी भएको र आफ्ना गुनासोको सुनुवाई नगरेको भन्दै केहि

काठमाडौं । त्रिभुवन विमानस्थल अध्यागमनका कर्मचारीले कार्यालय समयमा मोबाइल चलाउन नपाउने भएका छन् । त्रिभुवन विमानस्थल अध्यागमन कार्यालयले शुक्रबार एक

काठमाडौँ । राष्ट्रिय फुटबल टोलीका कप्तान किरणकुमार लिम्बूले मौरिससविरुद्धको खेलमा नयाँ अनुभव बटुल्ने बताएका छन् । मौरिससविरुद्धको पहिलो मैत्रीपूर्ण खेलअघि