भारतमा बम विष्फोट, १३ को मृत्यु ८५ घाइते

११ फाल्गुन २०६९, शुक्रबार ०६:२५ मा प्रकाशित

एजेन्सी/ काठमाडौं, ११ फागुन । भारत आन्ध्र प्रदेशको राजधानी हैदरावादको दिलसुख नगरमा बिहिबार साँझ दुई स्थानमा बम विष्फोट भएको छ । विष्फोटमा १३ जनाको मृत्यु भएको र सात दर्जनभन्दा बढी घाइते भएको बताइएको छ । स्थानीय एक बस स्टेशन र अर्को सिनेमा घरबाहिर भएको विष्फोट साइकलमा राखेर गराइएको अनुमान गरिएको छ । भारत सरकारले यस घटनालाई ‘आतंकवादी हमला’ भएको जनाएको छ ।
अत्यन्त व्यस्त क्षेत्रमा साँझको समयमा भएको विष्फोटका कारण हताहत हुनेको संख्या बढेको र विष्फोटमा आईडी बम प्रयोग गरिएको हैदरावादका प्रहरी प्रमुख दिनेश रेड्डीले बताएको समाचारमा उल्लेख गरिएको छ । घाइतेहरुलाई शहरका चारवटा अस्पतालमा भर्ना गरिएको र चारवटै अस्पतालमा घाइतेका परिजनहरुको ठूलो भीड लागिरहेको छ ।
गृहमन्त्री सुशीलकुमार सिन्धेले दुई दिनअघि सम्भावित घटनाबारे आफूलाई गुप्तचरी सन्देश प्राप्त भएको स्वीकार गरेका छन् । घटना कहाँ घट्नो भनी निश्चित नभए पनि सबै राज्यलाई आफूले सम्भावित घटना बारे पहिले नै सचेत गराएको दाबी उनले गरेका छन् । भारतीय प्रधानमन्त्री मनमोहन सिंहले ट्वीटरमार्फत प्रतिक्रिया दिँदै घटना कायरतापूर्ण भएको र दोषीलाई कठोर कारवाही गरिने जनाएका छन् । शान्ति बनाइराख्न उनले आमजनतासमक्ष आग्रह गरेका छन् ।

प्रतिक्रिया
सम्बन्धित खवर

काठमाडौं । देशभरका ६ महानगरपालिकामा सत्तारुढ गठबन्धनले अधिकांशमा अग्रता बढाइरहेको छ । पछिल्लो मत परिणामअनुसार पाँच महानगरमा गठबन्धनको अग्रता छ भने

कैलाली । कैलालीको धनगढी उपमहानगरपालिकामा स्वतन्त्र उम्मेदवार गोपाल हमालले आफ्नो अग्रतालाई झन फराकिलो बनाउँदै लगेका छन् । २३ हजार २२३

झापा । झापामा एक नगरपालिकासहित चार स्थानीय तहको अन्तिम नतिजा सार्वजनिक भएको छ । बुधबार बिहानसम्म चार स्थानीय तहको अन्तिम मत परिणाम सार्वजनिक

काठमाडौं । भरतपुर महानगरपालिका प्रमुखमा नेकपा माओवादी केन्द्रकी मेयर उम्मेदवार रेनु दाहालले फराकिलो अग्रता लिएकी छन् । पछिल्लो सार्वजनिक मतपरिणमअनुसार गठबन्धनकी