प्रधानन्यायाधीश हुँदैन : नेवि संघ अध्यक्ष कर्ण

१० फाल्गुन २०६९, बिहीबार १६:३६ मा प्रकाशित

काठमाडौं, १० फागुन । दलहरुले सरकारको नेतृत्व गरिदिन अनुनय गर्न थालेपछि प्रधानन्यायाधीशले अनेक शर्त तेसारेर घुर्की लगाउन थालेका छन् । धेरैले यस रवैयालाई ‘अकंटक राज्य गर्ने चाहना’का रुपमा अथ्र्याए पनि दलका नेताहरुले भने अझै प्रधानन्यायाधीशलाई फकाउने कसरत गरिरहेकै छन् । राजनीतिक दलका शीर्ष नेतृत्वको यो व्यवहारले नेवि संघका सभापति रञ्जित कर्णलाई चाहिँ निकै रुष्ट बनाएको छ । नेताहरुप्रतिको असन्तुष्टि उनले बिहिबार राजविराजमा पोखेका छन् ।
राजविराजमा आयोजित पत्रकार सम्मेलनमा सभापति कर्णले प्रधानन्यायाधिशले सर्त राखेर चुनावी सरकारको नेतृत्व गरे आफुहरु त्यसको विरोधमा सडकमै उत्रने चेतावनी दिएका छन् । कर्णले भने, ‘चुनावी सरकार नेतृत्व गर्ने प्रधानन्यायाधिशले सर्त राखेर गर्छन भने हामी त्यसको कडा विरोध गर्दै आन्दोलन गर्नेछौं ।’ राजनीतिक दलको सहमतिमा बन्ने प्रधानन्याधिश नेतृत्वको सरकारले राजनीतिक दलहरुको सल्लाह र सुझाव अनुसार अघि बढ्नु पर्ने उनको धारणा छ । प्रधानन्यायाधिशले चुनावी सरकारको नेतृत्व गरे त्यो संबैधानिक र शक्ति सन्तुलनको सिद्धान्त बिपरीत हुने जिकिर गर्दै कर्णले राजनीतिक पृष्ठिभुमि भएकै ब्यक्तिको नेतृत्वमा चुनावी सरकार बनाउने पक्षमा नेविसंघ रहेको बताए ।

प्रतिक्रिया
सम्बन्धित खवर

काठमाडौं।निर्वाचन घोषणाको सवालमा सत्तारूढ गठबन्धन संविधान र कानूनको परिपालना भन्दा पनि बढी नाफा र घाटाको जोडघटाउमा लागेको छ । कानून

दाङ। कोरोना भाइरसको संक्रमणबाट बच्नका लागि दाङमा अग्रपंक्तिमा रहेर काम गर्नेहरूलाई खोप दिन थालिएको छ । स्वास्थ्यकर्मी, सपाइकर्मी, सुरक्षाकर्मी र सञ्चारकर्मीलाई

सुर्खेत। कर्णालीका मुख्यमन्त्री जीवनबहादुर शाहीले आफ्नो सम्पत्ति विवरण सार्वजनिक गरेका छन् । मुख्यमन्त्री भएको करिब चार महिनापछि आफ्नो सम्पत्ति विवरण सार्वजनिक

दाङ। कोरोना संक्रमण दर बढ्दै जाँदा नागरिक स्तरबाट भने स्वास्थ्य सुरक्षा मापदण्ड पालनामा गम्भीर लापर्वाही देखिएको छ । स्वास्थ्य क्षेत्रका जानकारहरूले कोरोना संक्रमणबाट