पश्चाताप, क्षमादान, परिपूरण र कारावाहीको आधारमा सत्य निरुपण र बेपत्ता आयोग गठन गरिने

१८ चैत्र २०६८, शनिबार ११:५० मा प्रकाशित

काठमाडौ, १८ चैत । सत्य निरुपण तथा मेलमिलाप र बेपत्ता छानवीन आयोगसम्बन्धी विधेयक पारितका संसदमा पेश गर्न मुख्य तीन सहमत भएका छन् । आज बिहान मुख्य दलहरू एकीकृत नेकपा माओवादी, नेपाली काङ्ग्रेस, र नेकपा एमालेका शीर्ष नेताहरूबीच भएको बैठकमा भाषासम्बन्धी विवाद र आयोगका क्षेत्रात्रिकारसम्बन्धी विवादमा सहमति जुटेपछि पारितका लागि संसदमा पेश गरिने भएको छ । पश्चाताप, क्षमादान, परिपूरण र कारावाहीलाई आधारमा मान्ने तीन दलबीच सहमति भएको छ । यसैगरी कानुनको अन्तिम मस्यौदा तयार गरी संसदमा पेश गर्ने जिम्मा कानुन तथा न्याय मन्त्रालयलाई दिइने निर्णय भएको छ । दलहरूबीच लामो समयदेखि सहमति जुट्न नसक्दा विस्तृत शान्ति सम्झौतामा उल्लेख भएपछि सत्य निरुपण तथा मेलमिलाप र बेपत्ता छानवीन आयोग गठन गर्न ढिलाई भएको हो । मुख्य दलहरुको हिजो बसेको बैठकले तीन सदस्यीय कार्यदल गठन गरी भाषालगायतका विवादित विषयमासुझाव दिने जिम्मा दिएको थियो । गम्भीर प्रकृति मुद्दामा आयोगले नै छिनोफानो गरी र कारबाहीकालागि सिफारिश गर्ने अधिकार आयोगमै रहने प्रावधान राख्न तीन दलबीच हिजै सहमति बनिसकेको छ । सशस्त्र द्वन्द्वमा भएका मानवअधिकार उल्लङ्घन घटनाहरूमा माफी दिने नदिने विषयमालाई लिएर दलहरूबीच विवाद हुँदै आएको थियो ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार