तयारीविना नै प्रधानन्यायाधीश भेट्ने दलहरुको जमर्को

काठमाडौं, ८ फागुन । आफूलाई प्रधानमन्त्री बनाउने भन्दै दलहरुद्वारा तयार गरिएको कार्ययोजनाप्रति प्रधानन्यायाधीशले असन्तुष्टि व्यक्त गरेको समाचार आइरहेकै परिवेशबीच चार दलका नेताहरुले प्रधानन्यायाधीश खिलराज रेग्मीसँग भेट गर्ने भएका छन् ।
यसरी प्रधानन्यायाधीशलाई सरकारको नेतृत्व गरिदिन आग्रह गर्न जान लागेका दलहरुले अहिलेसम्म सत्य निरुपण तथा मेलमिलाप आयोग, बेपत्ता आयोग, नागरिकता, मतदाता नामावली लगायतका विवादित मुद्दाहरुमा सहमति भने जुटाउन सकेका छैनन् ।
मंगलबार बिहान एमाओवादी अध्यक्ष पुष्पकमल दाहाल निवास लाजिम्पाटमा भएको छलफलका आधारमा प्रधानन्यायाधीशसँग भेटघाट गर्ने तयारी गरिए पनि मंगलबार यस कार्यले मूतृरुप पाउने सम्भावना भने देखिएको छैन ।