कांग्रेस नेतृद्वारा भट्टराई सरकारकै निरन्तरताको माग

७ फाल्गुन २०६९, सोमबार २३:०७ मा प्रकाशित

रासस/ विराटनगर, ७ फागुन । नेपाली कांग्रेस केन्द्रीय सदस्य सुजाता कोइरालाले प्रधान न्यायाधीशलाई प्रधानमन्त्री बनाउनु भनेको दलहरू असफल हुनु हो भन्ने धारणा जनतामा जाने बताएकी छिन् । उनीले यसले मुलुकमा झन् राजनीतिक अस्थिरता थपिने र प्रजातन्त्र समाप्त हुने धारणा राखिन् । 
विराटनगर विमानस्थलमा आज सञ्चारकर्मीसँगको भेटमा नेपाली काँग्रेस नेत्रीसमेत रहेकी कोइरालाले नब्बे प्रतिशत केन्द्रीय सदस्यको असहमति हुँदाहुँदै पनि पार्टीका केही शीर्ष नेताले प्रधान न्यायाधीशलाई प्रधानमन्त्री बनाउन खोजेकाले त्यो आफूहरूलाई कुनै पनि हालतमा मान्य नहुने बताइन् ।
उनले बाह्य शक्तिको दबाबमा मुख्य दलका केही नेताले प्रधान न्यायाधीशलाई प्रधानमन्त्री बनाउन खोजेको आरोप लगाइन् । कोइरालाले एकलौटी निर्णय गरेर पार्टी अघि बढ्न नसक्ने भएकाले यस विषयमा महासमितिको बैठक बोलाएर टुङ्गो लगाउनुपर्ने धारणा राखिन् ।
उनले एउटै व्यक्तिलाई कार्यपालिका तथा न्यायपालिकाको अधिकार दिनु भनेको मुलुकमा निरङ्कुशता लाद्नु हो भन्दै मुलुकलाई निकास दिने एकमात्र विकल्प यही सरकारलाई निरन्तरता दिएर यही सरकारमा दलहरू सहभागी भई निर्वाचनमा जानुपर्ने बताइन् ।
कोइरालाले दलहरूको समस्या दलहरूलै नै समाधान गर्नुपर्ने बताउँदै प्रजातान्त्रको विरुद्धमा शीर्ष नेताहरूले जथाभावी निर्णय लिएर अघि बढे उनीहरूलाई जनताले नछाड्ने चेतावनी दिइन् ।

प्रतिक्रिया
सम्बन्धित खवर

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

संयुक्त राज्य अमेरिकाको औपचारिक भ्रमणमा रहनुभएका प्रधानसेनापति प्रभुराम शर्मा तथा भ्रमणदलका सदस्यहरुले शुक्रबार संयुक्त राष्ट्रसङ्घ मुख्यालयको भ्रमण गर्नुभएको छ ।

काठमाडौँ । न त छाक टर्ने, न त पेट भरिने । नखाए पनि हुने, नखाँदा पछि नपरिने अनावश्यक वस्तुमा समेत

लुम्बिनी । गृहमन्त्री बालकृष्ण खाँणले वर्तमान पाँचदलीय गठबन्धन कुनै दल र नेताकाविरुद्ध नभई संविधानको कार्यान्वयन, लोकतान्त्रिक गणतन्त्रलाई संस्थागत गर्न र