न्यायालयपछि अब प्रहरी संगठन मुठ्ठीमा लिने कसरत

६ फाल्गुन २०६९, आईतवार १०:५५ मा प्रकाशित

काठमाडौं, ६ माघ । बहालवाला प्रधानन्यायाधीशको नेतृत्वमा चुनावी सरकार गठन गर्ने प्रस्ताव ल्याएर मुलुकलाई एिकदलीय निरंकुशतातर्फ लैजाने कसरत गरिरहेको आरोप लागिरहेकै बेला एमाओवादी नेतृत्वको सरकारले आफ्नो खास इन्ट्रेस्टमा महानिरीक्षक बनाएको कुबेरसिंह रानाको कार्याकाल बढाउने कसरत गर्न थालेको बुझिएको छ । नेपाल प्रहरीको सेवा अवधि ३२ वर्ष बनाएर सरकारले आफूलाई अनुकुल हुनेगरी प्रहरी महानिरीक्षक कुवेरसिंह रानालाई तीन वर्षसम्म पदमा राख्ने गृहकार्य अघि बढाएको स्रोतको कथन छ ।
सरकारले प्रहरी नियमावली संशोधन गरी प्रहरीको सेवा अवधि ३२ वर्ष र प्रहरी महानिरीक्षकको पदावधि तीन वर्ष बनाउन लागेको हो । अहिले महानिरीक्षकको पदावधि ४ वर्ष छ । नियमावली संशोधन गरिएपछि महानिरीक्षक भएको १३ महिनामै अवकाश पाउने राना थप २३ महिना पदमा बहाल रहने छन् ।
बताइएअनुसार आफू बाहिरिएपछि पनि आफ्नो स्वार्थअनुकूल चलाउन एमाओवादी र मधेसी गठबन्धन  सरकारले त्यस्तो तयारी गरेको हो ।  प्रधानमन्त्री, गृहमन्त्री र प्रहरीका उच्च अधिकारीको मिलेमतोमा प्रहरी नियमावली संशोधन गरी सेवा अवधि ३२ वर्ष बनाउने तयारी गरिएको दाबी सम्वद्ध स्रोतले गरेको छ । यसका लागि आज आइतबार प्रधानमन्त्रीले मन्त्रिपरिषद् बैठक बोलाएका छन् ।
बताइएअनुसार प्रधानमन्त्री भट्टराई र गृहमन्त्री विजयकुमार गच्छदारले प्रहरी नियमावली संशोधन गरी कात्तिक मसान्तमा ३० वर्षे सेवा अवधि पूरा गरी अवकाश पाउने रानालाई निरन्तरता दिन विवादास्पद गृहकार्य अघि बढाएका हुन् ।

प्रतिक्रिया
सम्बन्धित खवर

काठमाडौँ ।श्रीमतीको हत्या गरेर जेल परेका सशस्त्र प्रहरीका पूर्व डीआईजीको सजाय घटाउने गरी निलम्बित प्रधानन्यायाधीश चोलेन्द्र शम्सेर राणाले गरेको फैसला

काठमाडौं । सर्वोच्च अदालतले बारामा अन्तर्राष्ट्रिय विमानस्थल निर्माण गर्ने सरकारका अहिलेसम्मका सबै काम कारबाही तथा निणर्यहरु बदर गरिदिएको छ ।

काठमाडौं । स्थानीय निर्वाचनमा सोचेअनुरुपको जीत हासिल गर्न नसकेपछि नेकपा एमाले अध्यक्ष केपी शर्मा ओली सन्निपातको विरामीझै बरबराउन थालेका छन्

काठमाडौं । फोर्ब्स म्यागेजिनले सार्वजनिक गरेको ३० वर्ष मुनिका ३० जना प्रभावशाली एसियान युवाको सूचीमा ५ जना नेपाली परेका छन्