आयोगको प्रतिवेदनमाथि सभासद्हरूको फरक फरक टिप्पणी

१८ चैत्र २०६८, शनिबार ०७:१६ मा प्रकाशित

काठमाडौ, १७ चैत । संविधानसभाको आजको बैठकमा पनि विभिन्न दलका सभासद्हरूले राज्य पुनःसंरचना आयोगको प्रतिवेदनमाथि आ–आफ्ना धारणा राखेका छन् । आज अन्तिम दिन भएको छलफलमा भाग लिँदै नेकपा मालेका सभासद् नीलम केसीले सबै जात, वर्ग तथा क्षेत्रलाई समेट्ने गरी राज्यको पुनःसंरचना गरिनुपर्ने बताउनुभयो । यसैगरी दलित जनजाति पार्टीका सभासद् विश्वेन्द्र पासवानले समनतामूलक समाज निर्माणका लागि सङ्घीयतामा जानुपर्नेमा जोड दिनुभयो ।
छलफलमा भाग लिँदै एकीकृत नेकपा माओवादीका प्रभु साह तेलीले एकात्मक राज्यसत्ताको विभेद् हटाउनका लागि राज्यको पुनःसंरचना गर्नुपर्नेमा जोड दिनुभयो । काङ्ग्रेसका नरबहादुर पुनले राज्य व्यवस्थामा सबैको समानुपातिक प्रतिनिधित्वका लागि सङ्घीयता आवश्यक रहेको बताउनुभयो ।
यसैगरी छलफलमा भाग लिँदै नेकपा एमालेका सभासद् थममाया थापाले विचारले राज्य सञ्चालन गर्नुपर्छ भन्दै जनतालाई विश्वासमा लिएर गरिने कार्य सर्वस्वीकार्य हुने उल्लेख गर्नुभयो ।
एकीकृत नेकपा माओवादीका भक्तबहादुर साहले उत्पीडन र पछौटेपनबाट अघि बढ्न सङ्घीयता चाहिएको तर्क गर्दै सामथ्र्य र स्रोतका आधारमा राज्य बत्रुपर्ने बताउनुभयो । छलफलमा भाग लिँदै एकीकृत नेकपा माओवादीकै सुरेश आलेमगरले आयोगको प्रतिवेदनलाई सिद्धान्तः स्वागत गर्दै यसमा रहेका कमजोरीलाई हटाएर लागु गर्नुपर्नेमा जोड दिनुभयो । सबै जात जातिलाई अधिकार सम्पत्र गराइए कोही कसैले पनि देश विखण्डन गर्न नसक्ने बताउँदै सभासद् मगरले सामथ्र्य र पहिचानलाई ध्यान दिएर राज्यको पुनःसंरचना गर्नुपर्नेमा जोड दिनुभयो ।

प्रतिक्रिया
सम्बन्धित खवर

काठमाडौं । सरकारले विभिन्न ११ वटा मुलुकमा राजदूत नियुक्तिका लागि ११ जनाको नाम सिफारिस गरेको छ । मन्त्रिपरिषदको यसअघिकै बैठकले

काठमाडौं । नेपाल कम्युनिस्ट पार्टी (एमाले) अध्यक्ष एवं प्रधानमन्त्री केपी शर्मा ओली २ जेठ २०७५ मा फर्किन सहमत भएका छन्

काठमाडौं । प्रतिसिलिन्डर ४ सय रुपैयाँमा किनेको अक्सिजनलाई कतिसम्ममा बेच्न पाइन्छ ? कालोबजारीसम्बन्धी ऐनले २० प्रतिशतसम्म नाफा लिन छुट दिन्छ।

काठमाडौं । समाजसेवी उत्तम कार्कीले वडास्तरीय आइसोलेसन सेन्टरका लागि १८ थान अक्सिजन सिलिण्डर सहयोग गर्नुभएको छ । मुलुकमा अक्सिजन अभाव