एमाओवादीको ‘रक्षा कवच’ शितल निवासले निरश्त्र पार्ने !

३ फाल्गुन २०६९, बिहीबार १०:४५ मा प्रकाशित

काठमाडौं, ३ फागुन । विपक्षी दलहरुलाई अल्मल्याउँदै सत्तामा पकड झन् मजवुत तुल्याउन अग्रसर एमाओवादी नेतृत्वको सरकारले दुर्नियतवश राष्ट्रपतिसमक्ष स्वीकृतिका लागि पेश गरेका दुई अध्यादेश शितल निवासले फिर्ता पठाउने भएको छ । सत्यनिरुपण तथा मेलमिलाप आयोग र बेपत्ता खोजबिन आयोग गठनसम्बन्धी दुई अध्यादेश माओवादीले आफ्ना नेता तथा कार्यकर्ताहरुको रक्षाकवजका रुपमा प्रयोग गर्न लागेको निचोडमा पुगेका राष्ट्रपति रामवरण यादवले स्वीकृत नगरी मन्त्रिपरिषदमै फिर्ता पठाउन लागेका शितल निवास स्रोतको दाबी छ । 
सरकारले स्वीकृतिका लागि पठाएको अध्यादेशको सबै क्षेत्रबाट विरोध भइरहेको छ । द्वन्द्वकालका घटनाका नाममा सरकारले गम्भीर मानवअधिकार उल्लंघनकर्ता सबैलाई उन्मुक्ति दिन लागेको भन्दै राष्ट्रिय तथा अन्तर्राष्ट्रिय समुदायले अध्यादेशको विरोध गर्दै आएका छन्। सरकारले दलीय सहमति बिनास्वीकृतिका लागि पठाएको अध्यादेशको विपक्षी दलका साथै युरोपेली युनियनका राजदूत, मानअधिकारवादी संघसंगठनले पनि विरोध गरेका थिए। युरोपेली दूतहरुले त प्रमुख दलका नेता र प्रधानमन्त्रीलाई भेटेरै त्यसबारे सचेत गराएका थिए। राजनीतिक दलहरुबीच पछिल्लो चरणमा देखिएको असन्तुष्टिबाट निराश बनेका राष्ट्रपतिको यस कदमबाट प्रधानमन्त्री चिढिएका बुझिएको छ ।

प्रतिक्रिया
सम्बन्धित खवर

अन्नप्राशन अर्थात् पास्नी शिशुलाई अन्न भोजन गराउने संस्कार हो । शिशुलाई शुभदिन पारेर पहिलोपटक अन्न भोजन गराउने यो परम्परा नेपालमा

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

संयुक्त राज्य अमेरिकाको औपचारिक भ्रमणमा रहनुभएका प्रधानसेनापति प्रभुराम शर्मा तथा भ्रमणदलका सदस्यहरुले शुक्रबार संयुक्त राष्ट्रसङ्घ मुख्यालयको भ्रमण गर्नुभएको छ ।

काठमाडौँ । न त छाक टर्ने, न त पेट भरिने । नखाए पनि हुने, नखाँदा पछि नपरिने अनावश्यक वस्तुमा समेत