सवारी कारवाहीबाट ४२ लाख २६ हजार राजस्व संकलन

३ फाल्गुन २०६९, बिहीबार ०७:४९ मा प्रकाशित

चन्द्रकान्त खनाल/ रुपन्देही, ३ फागुन । दुई महिनाभित्र गरिएको सवारी कारवाहीबाट कपिलवस्तुमा कूल ४२ लाख २६ हजार राजस्व संकलन भएको छ ।आर्थिक वर्ष २०६९।०७० को साउन महिनादेखि माघ २८ गतेसम्म कूल ३२ हजार सवारी कारबाहीबाट सो राजस्व संकलन भएको जिल्ला ट्राफिक प्रहरी कार्यालय कपिलवस्तुका प्रहरीनिरीक्षक कुमारजी श्रेष्ठले जानकारी दिए । उनका अनुसार कारबाहीमा पर्नेमा सबैभन्दा बढी मोटरसाइकल सवारी रहेको छ । 
यस्तै सवारीकारवाहीवाट जिल्लाको चन्द्रौटा क्षेत्रमा मात्र विगत ७ महिनामा कूल ६ हजार ६ सय ९८ सवारी कारबाहीबाट ८ लाख १५ हजार ५० रुपैयां राजस्व संकलन भएको अस्थायी ट्राफिक प्रहरीपोष्ट चन्द्रौटाका प्रहरी नायवनिरीक्षक भरतबहादुर जिसीले जानकारी दिए । जिसीका अनुसार चन्द्रौटा क्षेत्रमा कारबाहीमा परेका सबैभन्दा बढी ट्रक सवारी रहेको बताउनुभयो । ट्रकको संख्या मात्र ४ हजार ६ सय ७७ रहेको छ भने ट्रक कारबाहीबाट मात्र ५ लाख ६५ हजार ४ सय रुपैयाँ राजस्व संकलन भएको जिसीको भनाई छ । जिसीका अनुसार विगत ७ महिनाको तुलना गर्दा सबैभन्दा बढी राजस्व मंसिर महिनामा मात्र १ हजार ३ सय ३ सवारी कारवाहीबाट १ लाख ५८ हजार ६ सय रकम राजस्व उठेको थियो । विगत ७ महिनाभित्र कारवाहीमा परेका ट्रकको संख्या ४ हजार ६ सय ७७, बसको संख्या ७ सय
६७, जिपको संख्या ६ सय ६५, मोटरसाइकलको संख्या ३ सय ४८ र ट्रयाक्टरको संख्या २ सय ४१ रहको छ । चालकको लापरबाहीका कारण सवारी दुर्घटना बढीरहेको भन्दै जिल्लामा सवारी चेकिङमा विशेष निगरानी बढाएको ट्राफिक प्रहरी निरीक्षक कुमारजी श्रेष्ठको भनाई छ ।

प्रतिक्रिया
सम्बन्धित खवर

काठमाडौं । काठमाडौं महानगरपालिकाले आजदेखि फेरि खोप कार्यक्रम सुरु गर्ने भएको छ । केही दिनअघि खोप अभाव भएको भन्दै स्थगित

नेपाल पत्रकार महासङ्घ बेलायत शाखामा नयाँ नेतृत्व चयन भएको छ । आइतबार सम्पन्न निर्वाचनमा पत्रकार ध्रुवराज अर्याल अध्यक्ष पदमा निर्वाचित

काठमाडौं । निर्माण आयोजनाको म्याद छ महिनामात्र थप हुने प्रावधान वैज्ञानिक नरहेको भन्दै नेपाल निर्माण व्यवसायी महासङ्घले गत वैशाख १६

वाशिङ्गटन डिसी । नेपालले अल्पविकसित देशको सूचीबाट स्तरोन्नति भई मध्यमस्तरको विकासशील देशका रूपमा सूचीकृत हुने मापदण्ड पूरा गरेको छ ।