पूर्व राजा ज्ञानेन्द्र शाह सुदूरपश्चिम भ्रमणमा: राजा हेर्न मानव सागर उर्लियो

१७ चैत्र २०६८, शुक्रबार १९:४५ मा प्रकाशित

महेन्द्रनगर, १७ चैत । सुदूरपश्चिम भ्रमणमा रहनु भएका पूर्वराजा ज्ञानेन्द्र शाहले आफ्नो भ्रमणको दोस्रो दिन उर्लिएको स्थानीय मानवसागरका विच  कञ्चनपुर सदरमुकाम महेन्द्रनगरको  सिद्धनाथ मन्दिरमा पूजा  अर्चना गर्नु भएको छ । पूर्वराजा ज्ञानेन्द्र शाह सुदूरपश्चिमका तराईका  जिल्ला कैलाली र कञ्चनपुरको चार दिने भ्रमणका क्रममा बिहीबार धनगढी पुग्नु भएको थियो ।

पूर्वराजा ज्ञानेन्द्र शाह धनगढीबाट महेन्द्रनगर आइपुग्दा स्थानीय मदनचोकदेखि सिद्धनाथ मन्दिरसम्म उर्लिएको मानवसागरले जय जयकार गरी स्वागत गरेका थियो । पूर्वराजा शाह महेन्द्रनगर बजारदेखि करिब आधा किलोमिटर पैदलै मन्दिर पुग्नु भएको थियो । उर्लिएको मानब सागरले ठेलम ठेल्को अवस्था सिर्जना भएका  कारण पूर्वराजा ज्ञानेन्द्र शाहको भ्रमण  सहज बनाउन सुरक्षाकर्मीलाई  कठिन परेको थियो ।  उर्लिएको मानवसागरका कारण पूर्वराजा ज्ञानेन्द्र शाहको सुरक्षाका लागि धनगढी र महेन्द्रनगरमा सशस्त्र प्रहरी र प्रहरीको टोली परिचालन गरिएको थियो भने  शिवसेना अंकित पहेलो टिसर्ट लगाएका पनि स्वयंसेवी स्थानीय युवाहरुको समुहले पूर्वराजाको भ्रमणलाइ ब्यबस्थित पारेका  थिए ।

पूर्वराजा ज्ञानेन्द्र शाह शिवसेना नेपालका सयौं युवा कार्यकर्ता र समर्थकको मोटरसाइकल र्‍यालीका बीच धनगढीबाट महेन्द्रनगर पुग्नु भएको थियो । धनगढीदेखि महेन्द्रनगरसम्मको करिब ६० किलोमिटर यात्राका बीच कञ्चनपुरको गुलरिया र झलारीको वनसमितिमा उर्लिएको स्थानीयवासीको मानब सागरले उहाँको भब्य स्वागत गरेका थिए ।

पूर्वराजा ज्ञानेन्द्र शाहले सिध्दनाथ मन्दिरभित्र प्रवेश गरी पूजापाठ गरेपछि मन्दिर परिसरमै ब्राह्मणहरुको समूहले रुद्रीपाठ गरेका थिए । सिद्धनाथ मन्दिरको पूजापछि उहाँले स्थानिय ओपेरा होटेलमा स्थानीयवासी र आफ्ना समर्थकसँग भेटघाट गर्ने कार्यक्रम छ ।

महेन्द्नगरमा पूर्वराजा ज्ञानेन्द्र शाहको स्वागतका लागि स्थायी व्यवसायी बलराम चटौतको संयोजकत्वमा १ हजार १ सदस्यीय समिति गठन गरिएको छ । पूर्वराजा ज्ञानेन्द्र शाह शुक्रबार धनगढी फर्कने कार्यक्रम रहेको छ ।

 

प्रतिक्रिया
सम्बन्धित खवर

नेपालका लागि नवनियुक्त भारतीय राजदूत नवीन श्रीवास्तव आफ्नो कार्यकाल सम्हाल्न काठमाडौं आइपुगेका छन् । उनी शनिबार दिउसो ४ः ०० बजे

सिन्धुपाल्चोक । सत्ता साझेदार नेकपा माओवादी केन्द्रका नेता वर्षमान पुनले स्थानीय तह निर्वाचनमा जस्तो प्रदेश र संघको चुनावमा नेपाली कांग्रेसको

काठमाडौं । आर्थिकरूपमा धराशायी भएको घोषणा गरेको श्रीलङ्कालाई सघाउन अमेरिकी उच्चस्तरीय प्रतिनिधिमण्डल यहाँ आउने भएको छ । अमेरिकी अर्थ मन्त्रालय

काठमाडौं । नेकपा एकीकृत समाजवादीका सम्मानित नेता झलनाथ खनालले प्रतिनिधि सभा र प्रदेश सभा निर्वाचनमा नेकपा एमालेसँग कार्यगत एकता हुनसक्ने