दलका नेताहरुले साँझ राष्ट्रपति भेट्ने, आजै महत्वपूर्ण निर्णय हुनसक्ने दाबी

२९ माघ २०६९, सोमबार १२:२२ मा प्रकाशित

काठमाडौ, २९ माघ । सहमतिको खोजीमा छलफलमा जुटेका प्रमुख दलहरुले सोमबारसाँझ राष्ट्रपति डा. रामवरण यादवसँग छलफलको समय तय गरेका छन् । अन्तर्राष्ट्रिय सम्मेलन केन्द्रमा रहेको सेना समायोजन विशेष समितिको सचिवालयमा बसेको बैठकमा एकीकृत नेकपा माओवादी, नेपाली काङ्ग्रेस, नेकपा एमाले र मधेसी मोर्चाका नेताहरु वार्तामा सहभागि थिए भने बिहान भएको छलफलमा आगामी जेठ १५ गते सम्ममा संविधानसभाको निर्वाचन गर्ने विषयमा मोटामोटी सहमति बनेकोले स्वतन्त्र व्याक्तिको नेतृत्वमा चुनावी सरकार गठन गर्ने मुद्दामा सहमति खोज्न राष्ट्रपतिसँग दलहरुले परामर्श गर्न लागेको बुझिएको छ । 
प्रधानमन्त्री डा बाबुराम भट्टराईले पनि जेठ १५ मा संविधानसभाको चुनाव गर्नेगरी सोमबार बेलुका सम्म सहमति जुट्ने विश्वास ब्यक्त गरेका छन् । चुनावमा जान दलहरु सहमत भएकाले सरकारको विषयमा पनि सहमति हुने उनले सञ्चारकर्मीहरुसँग बताए नेतृत्व कसले गर्ने भन्ने विषयमा भने ठोस सहमति बन्न नसकेको उनले संकेत गरे । यसरी एकाएक राजनीतिक सहमतिको वातावरण बन्न लागेको परिवेशमा कांग्रेस र एमालेले पनि आन्तरिक छलफलको तयारी गरेका छन् ।

 

प्रतिक्रिया
सम्बन्धित खवर

अन्नप्राशन अर्थात् पास्नी शिशुलाई अन्न भोजन गराउने संस्कार हो । शिशुलाई शुभदिन पारेर पहिलोपटक अन्न भोजन गराउने यो परम्परा नेपालमा

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

संयुक्त राज्य अमेरिकाको औपचारिक भ्रमणमा रहनुभएका प्रधानसेनापति प्रभुराम शर्मा तथा भ्रमणदलका सदस्यहरुले शुक्रबार संयुक्त राष्ट्रसङ्घ मुख्यालयको भ्रमण गर्नुभएको छ ।

काठमाडौँ । न त छाक टर्ने, न त पेट भरिने । नखाए पनि हुने, नखाँदा पछि नपरिने अनावश्यक वस्तुमा समेत