‘आफ्ना’हरुका लागि प्रधानमन्त्रीले खुला गरे ढुकुटीको मुख

२६ माघ २०६९, शुक्रबार ०९:३५ मा प्रकाशित

काठमाडौं, २६ माघ । प्रधानमन्त्री बाबुराम भट्टराईको पद धरापमा पर्न थालेको अनुमानसँगसँगै भट्टराईले राज्यको ढुकुटीबाट मनपरी खर्च गर्न लागेका समाचार सार्वजनिक भएको छ । आफैले लागू गरेको मितव्ययिताको प्रावधानको धज्जी उडाउँदै आफ्नो गृह जिल्ला र आफूनिकट पार्टी कार्यकर्तालाई मापदण्डविपरीत औषधोपचार र आर्थिक सहायताका नाममा डेढ करोड रुपैयाँभन्दा बढी प्रधानमन्त्रीले बाँडिसकेका बुझिएको छ ।
मन्त्रिपरिषद् कार्यालयका एक उच्च अधिकारीका अनुसार भट्टराईले पूर्ववर्ती प्रधानमन्त्री पुष्पकमल दाहाल, माधवकुमार नेपाल र झलनाथ खनालले झैं ठूलो मात्रामा आर्थिक सहायता बाँड्न थालेका हुन् । पछिल्लो समय भट्टराई आफैंले बनाएको मापदण्ड मिचेर धमाधम औषधोपचार खर्च र आर्थिक सहायता वितरण गरेको स्रोतको कथन छ ।
सुरुमा मापदण्ड नबनाएसम्म आर्थिक सहायता वितरणमा रोक लगाई कार्यकालको एक वर्षसम्म मन्त्रिपरिषद्बाट औषधोपचार रकम नबाँडेका भट्टराईकै अग्रसरतामा मन्त्रिपरिषद्ले आर्थिक अवस्था कमजोर भएकालाई औषधोपचार खर्च गरेको बिलअनुसार स्वास्थ्य मन्त्रालयमार्फत सोझै अस्पताललाई भुक्तानी दिने मापदण्ड बनाई सहायता वितरणमा कडाइ गरेको थियो । तर २०६९ वैशाखदेखि प्रधानमन्त्रीकै ठाडो प्रस्तावमा अन्धाधुन्ध रकम बाँड्न थालेको सम्वद्ध स्रोतको दाबी छ । बताइएअनुसार मन्त्रिपरिषद्बाट औषधोपचारका नाममा बाँडेको रकम एक करोड रुपैयाँभन्दा बढी पुगिसकेको छ ।
भट्टराईले प्रधानमन्त्री सहायता कोषबाट डेढ वर्षमा ५० लाखभन्दा बढी रकम जिल्लावासी र पार्टी कार्यकर्तालाई बाँडेका छन् । प्रधानमन्त्री सहायता कोषबाट आर्थिक सहायता पाएका व्यक्तिको रेकर्ड हेर्दा धेरैजसो गोरखाका छन् । बाँकी प्रधानमन्त्री पत्नी हिसिला यमीले सिफारिस गरेका व्यक्तिहरू छन् । आर्थिक सहायता लिन प्रधानमन्त्री कार्यालयमा दिनहुँ भीड लाग्ने गरेको छ । प्रधानमन्त्री सहायता कोषबाट प्रतिव्यक्ति १० हजारदेखि २५ हजार रुपैयाँका दरले वितरण गर्ने गरिएको छ ।

प्रतिक्रिया
सम्बन्धित खवर

काठमाडौं । आठ वर्षअघि सुन्दरी प्रतियोगिताकी एक प्रतिस्पर्धीले आफूमाथि आयोजकले बलात्कार र यौन शोषण गरेको घटना सार्वजनिक गरेसँगै काठमाडौंको माइतीघरमा

हेटौंडा । स्थानीय तह निर्वाचन २०७९ अन्तर्गत हेटौंडा उपमहानगरपालिकाको अन्तिम मत परिणाम सार्वजनिक भएको छ । उपमहानगरपालिकाको मेयर पदमा नेकपा

काठमाडौं । प्रदेश सांसदबाट राजीनामा दिएर तीन जना नेता स्थानीय तह निर्वाचनमा लडे । करोडौं बजेट परिचालन गर्न पाइने र

कैलाली । कैलालीको लम्कीचुहा नगरपालिकाको मेयर र उपमेयरमा सुशीला शाही र जुना चौधरी निर्वाचित भएका छन् । नेपाली कांग्रेसबाट शाही