अब दश वर्षमा प्रचण्ड ‘अघाउने’ !

२५ माघ २०६९, बिहीबार १७:२० मा प्रकाशित

काठमाडौं, २५ माघ । एमाओवादीका अध्यक्ष प्रचण्डले छिमेकी भारतले नेपालमाथि पहिले पहिलेझैँ सीधै हस्तक्षेप नगरी नयाँ ढंगले हस्तक्षेप गरेको बताएका छन् । वित्तीय पुँजी र सूचना प्रविधिमा आएको विकासले विस्तारवादी र साम्राज्यवादीहरुले शोषणको तरिका बदलेका छन् भन्दै उनले बदलिएको परिस्थिति अनुसार आफूहरुले पनि नयाँ रणनीति विकास गर्ने उद्घोष गरे । हेटौँडामा भइरहेको पार्टीको सातौँ महाधिवेशनको बन्दशत्रमा झण्डै ४ घण्टा लामो सम्बोधनका क्रममा उनले सबै असमान सन्धी सम्झौता खारेज गरिनुपर्ने बताए ।आफ्नो पार्टी यो विषयमा प्रष्ट रहेको उल्लेख गर्दै उनले एक्काइशौं शताब्दीको आवश्यकता अनुसार नयाँ सन्धी सम्झौता गरिनुपर्ने र यसमा ढुलमुल या दायावाँया नगरिने जनाए ।
माओ मर्ने बेलासम्म चिनीयाँ कम्युनिस्ट पार्टीको अध्यक्ष भएको प्रसंग निकाल्दै प्रचण्डले भने, ‘उनले उत्तराधिकारी बनाएनन् तर हामीले सामुहिक नेतृत्वको टीम निर्माण गर्नुपर्छ। अब मेरो सक्रिय राजनीति १० वर्षमात्रै हुन्छ । पहिलेजस्तो २१ वर्षसम्म महाधिवेशन नगर्ने होइन, अब ४ -५ वर्षमै गर्नुपर्छ ।’
प्रचण्डले बहालवाला प्रधानन्यायाधीशको नेतृत्वमा भए पनि चुनावी सरकार गठन गरेर निर्वाचनमा जानुपर्ने प्रस्तावसमेत गरेका छन् । उनको प्रस्तावलाई पार्टी महाधिवेशनको बन्द सत्रले पारित गरेको छ । राजनीतिक सहमतिका लागि महाधिवेशनले ‘नयाँ फर्मुला’ ल्याउने उद्‍घोष गरेका प्रचण्डले बिहीबार बन्द सत्रमा ल्याएको उक्त प्रस्तावसंगै उनले पेस गरेको राजनीतिक प्रतिवेदनलाई सामान्य संशोधन गर्दै ताली बजाएर पारित गरेको छ ।  उनले संविधानसभा निर्वाचनको सुनिश्चितता नभएसम्म सरकार छाड्न नसकिने अडान पनि राखेका छन् । आफ्नो प्रतिवेदनमा सीमा विवाद जनमत संग्रहबाट समाधान गरिनुपर्ने राखेको प्रस्तावको व्यापक आलोचना भएपछि हटाएका छन् ।
चार घन्टा लामो आफ्नो जवाफी भाषणमा उनले क्रान्तिको बाँकी कार्यभार पूरा गरी समाजवादी क्रान्तिको आधार तयार गर्नुपर्ने प्रचण्डले उल्लेख गरे ।  १२ बुँदे सम्झौता बाध्यतावस अवस्थामा गरिएको उनको कथन थियो ।
अन्यथा नभए एमाओवादीको महाधिवेशनको आज अन्तिम दिन हो ।

प्रतिक्रिया
सम्बन्धित खवर

काठमाडौं । नेकपा केपी ओली समूहको स्थायी कमिटीको बैठक आज पनि बस्दै छ । संसद विघटनको कदमलाई सर्वोच्च अदालतले असंवैधानिक

जिल्लाको हेटौँडा उपमहानगरपालिका–११ नवलपुरमा आज बिहानै ट्रकले ठक्कर दिँदा सफारी रिक्सा चालकको मृत्यु भएको छ । मृत्यु हुनेमा हेटौँडा उपमहानगरपालिका–११

प्रत्येक वर्ष माघ शुक्ल द्वादशीका दिन साँखुस्थित शालिनदी क्षेत्रमा करिब डेढ सय वर्षदेखि हुने गरेको भीमसेन जात्रा सांस्कृतिक झाँकीसहित सम्पन्न

काठमाडौं । नेपाल कम्युनिष्ट पार्टी (नेकपा) प्रचण्ड-नेपाल समूहले आफ्ना सांसदहरुलाई तत्काल काठमाडौँ उपत्यका नछाड्न निर्देशन दिएको छ । सो समूहको