छुट्टाछुट्टै घटनामा परी सिन्धुपाल्चोकमा ३ जनाको मृत्यु

१६ चैत्र २०६८, बिहीबार १३:५२ मा प्रकाशित

काठमाडौ, १६ चैत । गएराति भएका तीनवटा छुट्टाछुट्टै घटनामा परी सिन्धुपाल्चोकमा तीन जनाले ज्यान गुमाएका छन् । घटनामा अन्य १० जना घाइतेसमेत भएका छन् । प्रहरीका अनुसार हाइ भोल्टेजका कारण दुई जनाको ज्यान गएको हो भने एक जनाले चट्याङ लागेर ज्यान गुमाएका हुन् । हाइभोल्टेजबाट बाह्रविसे– ४ धार्पाका २७ वर्षीया मिनबहादुर तामाङ र स्याउले– २ का २२ वर्षीया डम्बर श्रेष्ठको मृत्यु भएको प्रहरीले जनाएको छ । यस्तै राती नै आएको चट्याङबाट दुवाचौर– ८ का ७५ वर्षीया नरबहादुर गिरीको ज्यान गएको छ । पाल्चोक १ का सीताराम गिरीको घरमा पाहुना गएका उनको सोही घरमा परेको चट्याङले मृत्यु भएको प्रहरीले जनाएको छ । चट्याङबाट दुई जना घाइते भएका छन् । चट्याङले १ दर्जन पशुहरु समेत मरेका छन् । घाइतेहरुको स्थानीय स्वास्थ्य संस्थामा उपचार भइरहेको छ ।

प्रतिक्रिया
सम्बन्धित खवर

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी

काठमाडौँ । राष्ट्रिय सूचना आयोगले सूचना नदिने ३३ कार्यालय प्रमुखलाई कारबाही गरेको छ । आयोगले सूचनाको हकसम्बन्धी ऐन, २०६५ को

नुवाकोट । शनिबार विहान भुकम्पको धक्का महसुस भएको छ । आज बिहान ५ बजेर २६ मिनेट जाँदा  भुकम्पको धक्का महसुस