अपहरणमा परेका बालक सकुशल मुक्त, दुई अपहरणकारीको मृत्यु

२२ माघ २०६९, सोमबार १९:३६ मा प्रकाशित

पर्सा, २२ माघ । वीरगंज उपमहानगरपालिका–१३ आर्दशनगर बालमन्दिरनजिक आफ्ना हजुरवुवा गोबर्धन अग्रवालको घरअगाडि खेलिरहेको अवस्थामा गत १३ गते अपहरणमा परेका ९ बर्षीय स्लोक अग्रवाललाई प्रहरीले सकुशल उद्धार गरेको छ । जिल्ला प्रहरी कार्यालय पर्साबाट खटिएको प्रहरी टोलीले उनलाई गदियानी–१ स्थित रामनाथ गिरीको घरमा छापा मारी बन्धक बनाई राखेको अवस्थामा मुक्त गरेको हो । बालकको उद्धार गर्ने क्रममा अपहरणकारीसँग दोहोरो गोली हानाहान हुँदा अपहरण कार्यमा संलग्न भेडियाई–९ बस्ने २२ बर्षीय संजय गिरी र पचरुखि हरपुर बस्ने २० बर्षीय बिन्देश्वर गोली लागेर गम्भीर घाइते भएकोले उपचारको लागि नेशनल मेडिकल कलेज वीरगंज लगिएकोमा उपचारको क्रममा दुवैजनाको मृत्यु भएको प्रहरीले जनाएको छ । उक्त झडपमा प्रहरी जवानहरु सुर्य थापा र बुद्धीबहादुर तामाङको छाती र हातमा चोट लागेर घाइते भएकोले उपचारको लागि सोही मेडिकल कलेजमा लगिएको छ ।
अपहरण कार्यमा संलग्न भेडियाई–९ बस्ने ४५ बर्षीया रम्भादेवी गिरी, १९ बर्षीय अजय गिरी, वीरगंज उपमहानगरपालिका–१३ बस्ने २० बर्षीय कुनाल अग्रवाल, ३२ राजनबाबु बानिया, १९ बर्षीय पन्नालाल सहनी र १८ बर्षीय सिकेन्द्र यादव समेत ६ जनालाई प्रहरीले २ नाल कटुवा पेस्तोल र सोको गोली ५ राउण्डसहित पक्राउ गरेको छ ।

प्रतिक्रिया
सम्बन्धित खवर

काठमाडौँ । पर्यटन विकास आयोजना वागमती प्रदेश हेटौडा, मकवानपुरका सव–इन्जिनियर नेत्रप्रसाद लामिछाने ५० हजार रुपैयाँ घुससहित पक्राउ परेका छन् ।

काठमाडौं । प्रचण्ड नेपाल नेतृत्वको नेपाल कम्युनिष्ट पार्टीले संसदीय दलको नेतामा पुष्पकमल दाहाल प्रचण्डलाई दलको नेता चयन गरेको छ ।

काठमाडौं । प्रधानमन्त्री केपी शर्मा ओली र नेपाल कम्युनिष्ट पार्टीका महासचिव नेत्रविक्रम चन्दका उपस्थितिमा दुवै पक्षबीच बिहीबार भएको सहमतिमा आज

नवलपरासी । सरकारले प्रतिबन्ध फुकुवा गरेसँगै नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ सार्वजनिक भएका छन् । नवलपरासी (बर्दघाट–सुस्तापूर्व) नवलपुरको