मोती नदिएको आरोपमा व्यापारीको अपहरण

२१ माघ २०६९, आईतवार २०:५५ मा प्रकाशित

काठमाडौं, २१ माघ । बाराको पत्थरहट्टी–७ स्थित जनक सहनीको घरमा मानिस अपहरण गरी बन्धक बनाई राखेको सूचनाका आधारमा जिल्ला प्रहरी कार्यालय बारा र सशस्त्र प्रहरी बेशक्याम्पबाट खटिएको प्रहरीले चारजना अपहरणकारीलाई पक्राउ गरेको छ । सहनीको घर खानतलासी गर्दा जनक सहनी, भारत रक्सौल घर भएका ६० वर्षीय दिलनाथ दास लगायतका ४ जनाले भारत मोतीहारी घर भएका ४२ वर्षीय राकेश रन्जन सिंहलाई अपहरण गरी बन्धक बनाएर राखेको फेला परेको हो । सिंहलाई भारतबाट बीआर ३०३ डी ९४३२ नम्बरको मोटरसाइकलमा सवार रहेको अवस्थामा अपहरण गरी ल्याई अपहरणकारीहरुले बन्धक बनाएका थिए ।
प्रहरीले अपहरितलाई उद्धार गर्नुका साथै अपहरणकारी चारै जनालाई पीडितको उक्त मोटरासाइकल, अपहरण कार्यमा संलग्न ना.२२ प ८५५२ नम्बरको मोटरसाइकल, खुँडा २ थान र खुर्पा १ थानसहित कानूनी कारवाहीका लागि हिरासतमा लिएको छ ।
प्रहरीका अनुसार राकेश रन्जन जडीवुटी तथा मोती समेतको व्यापार गर्ने व्यक्ति रहेकोले निजहरुसँग मोती ल्याइदिने भनी केही रकम समेत लिएको र सामान नदिएको बिषयमा अपहरण गरेको प्रारम्भिक अनुसन्धानबाट खुलेको छ ।
यसैबीच धादिङ गजुरी–१ रामबजार नयाँबारी निवासी तामाङ्ग थरकी चार वर्षीया बालिकालाई जबरजस्ती अनुचित कार्य गरेको अभियोगमा पिँडा–२ घर भई हाल गजुरी–१ बस्ने ४५ वर्षीय सुब्बा मिजारलाई प्रहरीले पक्राउ गरेको छ ।

प्रतिक्रिया
सम्बन्धित खवर

काठमाडौँ ।श्रीमतीको हत्या गरेर जेल परेका सशस्त्र प्रहरीका पूर्व डीआईजीको सजाय घटाउने गरी निलम्बित प्रधानन्यायाधीश चोलेन्द्र शम्सेर राणाले गरेको फैसला

काठमाडौं । सर्वोच्च अदालतले बारामा अन्तर्राष्ट्रिय विमानस्थल निर्माण गर्ने सरकारका अहिलेसम्मका सबै काम कारबाही तथा निणर्यहरु बदर गरिदिएको छ ।

काठमाडौं । स्थानीय निर्वाचनमा सोचेअनुरुपको जीत हासिल गर्न नसकेपछि नेकपा एमाले अध्यक्ष केपी शर्मा ओली सन्निपातको विरामीझै बरबराउन थालेका छन्

काठमाडौं । फोर्ब्स म्यागेजिनले सार्वजनिक गरेको ३० वर्ष मुनिका ३० जना प्रभावशाली एसियान युवाको सूचीमा ५ जना नेपाली परेका छन्