अपहरित राठीको शव फेला परयो

काठमाडौं, २० माघ । झण्डै महिना दिनअघि कामको सिलसिलामा सिलगुडी जाँदा अपहरणमा परेका विराटनगरका उद्योगी गंगाविसन राठीको शव सिलिगुढीदेखि ४० किलोमिटर टाढा भारत पश्चिम बंगाल दार्जलिङको रङपोङ भन्ने स्थानमा फेलापरेको छ । भारतीय प्रहरीले उद्योगी राठीको अपहरण अभियोगमा २ जनालाई पक्राउ गरेर अनुसन्धान गर्दा राठीको शव भेटिएको बताइएको छ ।  व्यापारिक काममा भनेर सिलिगुढी गएका राठी उतैबाट अपहरणमा परेका थिए । फेला परेको शव राठीकै भएको पुष्टी भएको सिलिगुढी प्रहरीले दावी गरे पनि मोरंग प्रहरीले भने यस विषयमा अनभिज्ञता जनाएको समाचारमा जनाइएको छ ।