अमेरिकामा नेपाली मुलकी दावा लामालाई १० बर्ष लामो कैद सजायं

पुरुषोत्तम ढकाल,न्युयोर्क,अमेरिका,१६ चैत। न्युयोर्क शहरको क्वीन्समा बसोबास गर्दै आएकी नेपाली मुलकी महिला दावा लामालाई नवजात शिशु हत्याको अभियोगमा न्युयोर्कको एक अदालतले दोषी ठहर गर्दै  १० बर्ष लामो  कैद सजायं  सुनाएको छ । नेपाली मुलकी लामाले गतबर्ष मे १० तारिखमा न्युयोर्कको एक अस्पतालको सौचालयमा बच्चालाई जन्म दिएर बाथरुमको फोहरदानीमा नवजात शिशुलाई फालेर भागेकी थिइन् । अस्पतालको कर्मचारीले बाथरुमको फोहरदानीमा वच्चा फेला पारेको थियो । लगत्तै उनलाई उनको आफ्नै डेरामा प्रहरीले गिरफ्तार गरेको थियो । बच्चा जन्मेको भोलीपल्ट उपचारको क्रममा बच्चाको निधन भएपछि उनलाई हत्याको अभियोगमा मुद्दा दायर गरिएको र गत सोमवार भएको फैसलामा उनलाई १० वर्षको सजाय तोकिएको थियो । अदालतक अनुसार कैद भुक्तान पछी उनलाई नेपाल फर्काइने । नेपाली मुलकी लामाको आगामी महिनाको अप्रिल १० तारेखदेखि जेल बसाइ शुरु हुनेछ ।

समाचार श्रोतहरुका अनुसार लामाले आफु गर्भवती भएको कुरा आफ्नो परिवार र केटासाथीलाई समेत नभनेको वताइएको छ । पारिवारीक स्रोतका अनुसार, उनीहरुले गर्भवती भएको बारेमा सोधखोज गर्दा मोटाएको हो भनेर ढाँट्ने गरेको थिइन नेपाली मुलकी दावा लामा न्युयोर्कमा व्युटिसियनको रुपमा कार्यरत रहेकी थिइन् । न्युयोर्कको संघिय कानुन अनुसार वच्चा जन्मिएको पाँच दिनसम्ममा नवजात शिशुलाई अस्पताल वा दमकलका कर्मचारीको जिम्मा लगाएर कानुनी रुपमा भने छोड्न सकिने ब्यबस्था रहेको छ ।