स्वतन्त्र व्यक्तिलाई प्रधानमन्त्री बनाएर चुनाबमा जान एमाओवादी तयार: प्रचण्ड

१३ माघ २०६९, शनिबार २२:२४ मा प्रकाशित

काठमाडौ, १३ माघ । एमाओवादी अध्यक्ष पुष्पकमल दाहालले परम्परावादी शक्तिको मति बिग्रिएकोले दलहरु बीच सहमति हुन नसकेको बताएका छन् । मुख्य विपक्षी कांग्रेस- एमालेले स्वतन्त्र व्यक्तिको नाम दिएमा प्रधानमन्त्री बाबुराम भट्टराईले मार्गप्रशस्त गर्ने समेत दाहालले बताए । एमाओवादीको भक्तपुर जिल्ला अधिवेशन शनिबार उद्घाटन गर्दै अध्यक्ष दाहालले भने, ‘एमाओवादी जेठ १५ भित्र निर्वाचन गराउन जस्तोसुकै त्याग गर्न तयार छ ।’ उनले कांग्रेस र एमाले नेताहरूलाई अपिल गर्दै भने, ‘आउनुस् निर्वाचनका निम्ति के त्याग गर्नुपर्‍यो हामीले हामी तयार छौ ? प्रधानमन्त्रीको उम्मेदवार स्वतन्त्रबाट तपाईंहरू को भन्नु हुन्छ भन्नुस् । निर्वाचनलाई केन्द्रबिन्दुमा राखेर सबै त्याग्न तयार छौं ।’ दाहालले आफु हुम्लाबाट फर्केपछि एमाले र कांग्रेसका नेताहरुसंग मुलुकको गतिरोधबारे छलफल भएको बताए । छलफलमा संविधानसभा निर्वाचन हुने सहमति भए अझै लचिलो हुने आफूले बताएको समेत उनले उल्लेख गरे । दाहालले दैलेख घटनालाई लिएर एमाओवादीविरुद्ध केही सञ्चार माध्यम लागेको आरोप लगाउदै मिडियामा आएका विषयले आफ्नो पार्टीलाई एकढिक्का हुन सहयोग पुर्‍याएको बताए । दैलेखमा माओवादी सम्मेलन बिथोल्न विपक्षीले ढुंगामुढा गरेर गुन्डागर्दी गरेको बताउदै उनले एमाले र कांग्रेसलाई लक्षित गर्दै भने, ‘परम्परावादी शक्तिको दिमाग सन्तुलन भत्किएको छ । दैलेख घटनाले प्रस्ट हुन्छ । प्रधानमन्त्री बाबुराम भट्टराईले अनावश्यक विषय चर्काएर उत्तेजना नफैल्याउन पत्रकारहरुलाई आग्रह गरे ।

प्रतिक्रिया
सम्बन्धित खवर

अन्नप्राशन अर्थात् पास्नी शिशुलाई अन्न भोजन गराउने संस्कार हो । शिशुलाई शुभदिन पारेर पहिलोपटक अन्न भोजन गराउने यो परम्परा नेपालमा

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

संयुक्त राज्य अमेरिकाको औपचारिक भ्रमणमा रहनुभएका प्रधानसेनापति प्रभुराम शर्मा तथा भ्रमणदलका सदस्यहरुले शुक्रबार संयुक्त राष्ट्रसङ्घ मुख्यालयको भ्रमण गर्नुभएको छ ।

काठमाडौँ । न त छाक टर्ने, न त पेट भरिने । नखाए पनि हुने, नखाँदा पछि नपरिने अनावश्यक वस्तुमा समेत