नेपाल हिन्दुराष्ट्र हुनुपर्छ : भाजपा अध्यक्ष सिँह

१२ माघ २०६९, शुक्रबार ०९:३७ मा प्रकाशित

काठमाडौं, १२ माघ । भारतीय जनता पार्टीका नवनिर्वाचित अध्यक्ष राजनाथ सिंहले नेपाल हिन्दुराष्ट्र हुनुपर्ने आफ्नो अडानमा दृढ रहेको बताएका छन् । भारतीय जनता पार्टीको अध्यक्षमा निर्वाचित भएपछि नेपाली सञ्चारकर्मीसँगको कुराकानीमा उनले ८२ प्रतिसत हिन्दु धर्मावलम्बी बस्ने नेपाल हिन्दुराष्ट्र हुनैपर्ने भन्दै त्यसका लागि भारतीय जनता पार्टीले अभियान सञ्चालन गर्ने जनाए । हिन्दुराष्ट्र हुनुपर्छ भनेको कुरालाई राजतन्त्रको पक्षमा बुझिने गरेको उल्लेख गर्दै उनले आफू राजतन्त्रको नभई लोकतन्त्रको संस्थागत विकासको पक्षमा रहेकोसमेत बताए ।
नेपालमा राजनीतिक गतिरोध अन्त्य हुनुपर्नेमा जोड दिँदै त्यसका लागि नेपालका राजनीतिक दलहरुसामू मिल्नुको विकल्प नभएको सिंहले बताए । उनले भने– ‘नेपालका दलहरुले सहमतिमा नयाँ निर्वाचन गरेर लोकतन्त्रलाई संस्थागत गर्नुपर्छ ।’
उनले नेपालमा दलहरुबीच सहमति हुनुपर्छ भन्ने भारतीय चाहना रहेको स्पष्ट पार्दै नेपालमा के गर्ने भन्ने विषय नेपाली राजनीतिक दलहरुको भएकोले त्यसमा भारतको कुनै हस्तक्षेप नहुने बताए ।
सिँहले भने– ‘नेपालमा अहिले राजनीतिक र संबैधानिक संकट छ । दलहरु मिल्न नसक्दा निर्वाचन सुनिश्चित हुन सकिरहेको छैन । लोकतन्त्रका अवयवहरु जोखिममा परेका छन् । नेपालमा दलहरु मिलेर मुलुकलाई छिटो भन्दा छिटो निकास दिनु पर्छ । सहमतिका साथ निर्वाचनमा जानु पर्छ, अहिलेको संकटको निकास त्यही हो ।’
नेपालको राजनीतिक संकट नेपालका राजनीतिक दलहरुले गर्नु पर्ने भन्दै उनले । यसमा भारतको कुनै हस्तक्षेप नहुने स्पष्ट पारे । उनले भने– ‘कसलाई प्रधानमन्त्री बनाउने, कहिले निर्वाचन गर्ने, सहमति कस्तो गर्ने भन्ने विषय नेपाली राजनीतिक दलहरुको हो । नेपालमा लम्बिएको संकटमा भारतको गंभिर चासो छ । सबैभन्दा नजिकको छिमेकी मुलुक भएकोले भारतले नेपालमा राजनीतिक स्थायीत्व होस, संकट मोचन भएर विकासको प्रक्रियामा अघि बढोस भनेर चाहनु स्वाभाविक हो । भारतको त्यस्तो चाहना छ तर हस्तक्षेप गर्दैन । लागि नेपालका राजनीतिक दलहरुसामू मिल्नुको विकल्प छैन । नेपालका दलहरुले सहमतिमा नयाँ निर्वाचन गरेर लोकतन्त्रलाई संस्थागत गर्नु पर्छ ।’
उनले आफू छिट्टै नेपाल भ्रमणमा आउने जानकारी दिँदै नेपाल र भारतवीचको सम्बन्धलाई अझै मजबुत गर्न सके मात्रै नेपालको द्रुत विकास सम्भव भएको बताए ।

प्रतिक्रिया
सम्बन्धित खवर

अन्नप्राशन अर्थात् पास्नी शिशुलाई अन्न भोजन गराउने संस्कार हो । शिशुलाई शुभदिन पारेर पहिलोपटक अन्न भोजन गराउने यो परम्परा नेपालमा

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

संयुक्त राज्य अमेरिकाको औपचारिक भ्रमणमा रहनुभएका प्रधानसेनापति प्रभुराम शर्मा तथा भ्रमणदलका सदस्यहरुले शुक्रबार संयुक्त राष्ट्रसङ्घ मुख्यालयको भ्रमण गर्नुभएको छ ।

काठमाडौँ । न त छाक टर्ने, न त पेट भरिने । नखाए पनि हुने, नखाँदा पछि नपरिने अनावश्यक वस्तुमा समेत