माओवादीले अयोग्य, स्वेच्छिक अवकास रोजेका लडाकुलाई संगठित गर्ने

१५ चैत्र २०६८, बुधबार ११:३३ मा प्रकाशित

काठमाडौ, १५ चैत ।  एकीकृत नेकपा माओवादीको संस्थापन पक्षले बैशाख १ गते बहिर्गमनमा परेका अयोग्य लडाकु र स्वैच्छिक अवकास रोजेका लडाकुहरुको संगठन घोषणा गर्ने निर्णय गरेको छ ।
बुधबार बसेको संस्थापन समूह सहभागी केन्द्रीय समितिको बैठकले शान्ति प्रक्रिया र संविधान निर्माणको काममा बाहेकका विषयमा भने छलफल गर्दै अगाडि बढ्ने निर्णय गरेको अर्थमन्त्री वर्षामान पुनले जानकारी दिए । उनका अनुसार शान्ति र संविधान निर्माणको कार्यमा भने बैद्य पक्षसँग कुनै पनि सम्झौता नगर्ने निर्णय गरेको छ ।
संस्थापन पक्षले औपचारिक रुपमै आजको बैठक बोलाएको भए पनि बरिष्ठ उपाध्यक्ष मोहन बैद्य किरणको आग्रहमा अनौपचारिक रुपमा छलफल भएको पुनले जानकारी दिए ।
संस्थापन पक्षको बैठकले दवाव मुलक कार्यक्रम समेत घोषणा गरेको छ । घोषित दवाव मुलक कार्यक्रममा चैत २४ गते जनआन्दोलन दिवस मनाउने, बैशाख ८ गते पार्टी स्थापना दिवस मनाउने, शान्ति, संविधान र मजदुर अधिकारका लागि मे १ मा मजदुर दिवस मनाउने निर्णय गरेको छ । यसैगरी जेठ १४ भित्र शान्ति र संविधान पूरा गर्न अभियान सुरु गर्ने निर्णय पनि भएको छ ।

प्रतिक्रिया
सम्बन्धित खवर

काठमाडौँ । नेपालमा पछिल्लो चौबीस घण्टामा थप ३ हजार ३८३ जनामा कोरोना संक्रमण पुष्टि भएको छ। स्वास्थ्य मन्त्रालयका अनुसार १०

काठमाडौं । सरकारले नेपाल विद्युत् प्राधिकरणको कार्याकारी निर्देशकमा कुलमान घिसिङलाई फेरि ल्याउने तयारी गरेको छ । पछिल्लो समय विद्युत आपुर्तिमा

काठमाडौं । निर्वाचन आयोगले विभिन्न ४१ वटा राजनीतिक दलको दर्ता खारेज गरेको छ । आयोगले खारेज भएका प्रत्येक राजनीतिक दललाई

रुपन्देही । लुम्बिनी प्रदेशमा विपक्षी गठबन्धनले मुख्यमन्त्री शंकर पोखरेलविरुद्ध अविश्वासको प्रस्ताव दर्ता गरेको छ । विपक्षी नेपाली कांग्रेस, माओवादी केन्द्र,