दोषीलाई बारबाही गर्ने सहमतिपछि खुल्यो रामपुर

९ माघ २०६९, मंगलवार ११:२५ मा प्रकाशित

काठमाडौं, ९ माघ । एक महिनादेखि वेपत्ता पाल्पा रामपुरकी सोनु श्रेष्ठको शव कालीगण्डकी किनारमा बोराभित्र फेलापरेपछि आन्दोलनमा उत्रिएका रामपुरबासी र स्थानीय प्रशासनबीच ६ बुंदे सहमति भएपछि आगामी शनिबारसम्मका लागि आन्दोलन स्थगित गरिएको छ भने स्थानीय प्रशासनले सोमबार बेलुकीदेखि कर्फ्यु समेत हटाएको छ । मंगलबार बिहानैदेखि बेझाड, बिजयपुर, किसानबारीलगायतका बजार खुल्नेक्रम सुरु भएको छ भने विद्यालय तथा क्याम्पसमा बिहानैदेखि कक्षा संचालन भईसकेको छन् । केही दिनदेखि हिडडुल गर्न समेत डराएका स्थानीयबासिन्दाले सन्तोषको सास फेरेका छन् ।
सोमबार रामपुर इलाका प्रहरी कार्यालय रामपुरमा स्थानीय वासिन्दा, पीडित पक्ष र प्रशासन बीचमा भएको छलफलपछि आन्दोलन स्थगित गर्ने सहमति बनेको हो । छलफलपछि कफ्र्यु खोल्ने, शव बुझ्ने र दोषीलाई कारबाही गर्ने सहमति भएको छ । त्यसैगरी हत्यामा संलग्न भएको आरोप लागेका सोनुका श्रीमान् ओमप्रसाद श्रेष्ठ र उनकै जेठी श्रीमती कृष्णादेवीलाई अनुसन्धान गर्न ५ दिन म्याद थप गर्ने सहमति भएको बताइएको छ ।
प्रहरी नायब उपरीक्षक स्थानेश्वर रेग्मीका अनुसार प्रहरी चौकीमा भएको आक्रमणका साथै झडप क्रममा घाइते भएकाको उपचारका लागि गृह मन्त्रालयमा सिफारिस गरिनेछ । यसैगरी प्रहरी र प्रदर्शनकारीबीच भएको झडपको अनुसन्धान गर्न पश्चिम क्षेत्रीय प्रहरी कार्यालय पोखराका प्रहरी उपरीक्षक मनोज न्यौपानेको संयोजकत्वमा, पाल्पाका प्रहरी नायब उपरीक्षक रेग्मी र भैरहवाका प्रहरी निरीक्षक राजु पाण्डे सदस्य रहेको अनुसन्धान तथा छानबिन समिति गठन गरिएको छ ।
स्मरणरहोस्, २७ वर्षिया सोनुलाई ससुरालीको सम्पत्ति हत्याउने उद्देश्यले उनकै श्रमान् ओमप्रसाद श्रेष्ठले हत्या गरेर फालेको आरोप स्थानीयले लगाउँदै आएका छन् भने अनुसन्धान गरी उनलाई कडा कारबाही नगरे प्रशासनविरुद्ध फेरि आन्दोलन गरिने चेतावनी स्थानीयले दिएका छन् ।

 

प्रतिक्रिया
सम्बन्धित खवर

काठमाडौँ । पर्यटन विकास आयोजना वागमती प्रदेश हेटौडा, मकवानपुरका सव–इन्जिनियर नेत्रप्रसाद लामिछाने ५० हजार रुपैयाँ घुससहित पक्राउ परेका छन् ।

काठमाडौं । प्रचण्ड नेपाल नेतृत्वको नेपाल कम्युनिष्ट पार्टीले संसदीय दलको नेतामा पुष्पकमल दाहाल प्रचण्डलाई दलको नेता चयन गरेको छ ।

काठमाडौं । प्रधानमन्त्री केपी शर्मा ओली र नेपाल कम्युनिष्ट पार्टीका महासचिव नेत्रविक्रम चन्दका उपस्थितिमा दुवै पक्षबीच बिहीबार भएको सहमतिमा आज

नवलपरासी । सरकारले प्रतिबन्ध फुकुवा गरेसँगै नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ सार्वजनिक भएका छन् । नवलपरासी (बर्दघाट–सुस्तापूर्व) नवलपुरको