सिरियामा भएको नरसंहारको प्रमाण फेला पर्यो

६ माघ २०६९, शनिबार ०५:४२ मा प्रकाशित

एजेन्सी/ ६ माघ । सिरियामा यसै साता भएको नरसंहारको प्रमाण फेलापरेको छ जहाँ कम्तीमा पनि एक सय मानिसको एकैदिन हत्या गरिएको र उनीहरुका घर जलाइएको समाचार सार्वजनिक भएको थियो । होम्स शहरनजिक हासविया गाउँमा एक टोलीले भ्रमण गर्दा त्यहाँ एक घरबाहिर जलेका लासहरु समेत भेटिएका थिए । स्थानीय रुपमा भेटिएका सैनिकहरुले ठूलो संख्यामा मानिस मारिएका र तिनका शवहरु हटाइएका सञ्चारकर्मीलाई बताएको बीबीसीले जनाएको छ ।
बीबीसी सम्वाददाता लूइस ड्युसेटले एउटा घरबाहिर तीनवटा शव जलेको हालतमा भेटेका थिए भने उनले उक्त घरको सिमेन्टको भूइँमा लास घिसार्दा रगत लत्पतिएको पनि देखे । भान्साकोठाको भित्तामा दर्जनभन्दा बढी गोलीका चिन्हहरु थिए । सोही घरको भित्र सुत्ने कोठामा पनि दुईवटा लास जलेको अवस्थामा भेटिएका थिए ।
स्थानीय एक व्यक्तिले जनाएअनुसार ती मानिसहरुको हत्या हुँदा सेना त्यहीँ उपस्थित थिए । हासवियामा ठूलो संख्यामा भएको नरसंहारको समाचार गत बिहीबार नै चर्चामा आएको र मानवाधिकारकर्मीहरुले यसतर्फ ध्यान खिच्ने प्रयास गरे पनि समाचारको पुष्टि हुन सकेको थिएन ।
सीरियाली अव्जरभेटरी फर हुयुमन राइट्सका अनुसार राष्ट्रपति बशर अल असद प्रति वफादार सेनाले १०६ जना मानिसको हत्या गरेका थिए जसमा महिला र केटाकेटी पनि सामेल थिए । तर सरकारी अधिकारीहरुले उक्त नरसंहार घटनाको ठाडै अस्वीकार गरेका थिए ।

प्रतिक्रिया
सम्बन्धित खवर

अन्नप्राशन अर्थात् पास्नी शिशुलाई अन्न भोजन गराउने संस्कार हो । शिशुलाई शुभदिन पारेर पहिलोपटक अन्न भोजन गराउने यो परम्परा नेपालमा

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

संयुक्त राज्य अमेरिकाको औपचारिक भ्रमणमा रहनुभएका प्रधानसेनापति प्रभुराम शर्मा तथा भ्रमणदलका सदस्यहरुले शुक्रबार संयुक्त राष्ट्रसङ्घ मुख्यालयको भ्रमण गर्नुभएको छ ।

काठमाडौँ । न त छाक टर्ने, न त पेट भरिने । नखाए पनि हुने, नखाँदा पछि नपरिने अनावश्यक वस्तुमा समेत