बैद्य पक्षको बहिस्कारका बाबजुद माओवादी संस्थापन पक्षको केन्द्रीय समितिको बैठक सुरु

१५ चैत्र २०६८, बुधबार ०८:०१ मा प्रकाशित

काठमाडौ, १५ चैत । पछिल्लो समयमा गंभिर आन्तरिक मतभेदमा फसेको एकीकृत नेकपा माओवादीको संस्थापन पक्षको आब्हानमा केन्द्रीय समितिको बैठक सुरु भएको छ ।  पार्टीका बरिष्ठ उपाध्यक्ष मोहन बैद्य किरण पक्षधरहरुले बहिस्कार गरे पनि बैठक सुरु भएको हो ।
सोमबार र मंगलवार बोलाईएको बैठक पार्टीभित्र सहमति कायम गर्ने भन्दै स्थगित गरिए पनि बैद्य पक्ष बैठकमा सहभागी नहुने स्पष्ट भए पछि संस्थापन पक्ष आज बैठक गरेको हो ।
पार्टी मुख्यालय पेरिसडाँडाँमा जारी  बैठकले बैद्य पक्षले आफूहरुविरुद्ध सुरु गरेको आन्दोलन विरुद्ध जनपरिचालन गर्ने तयारी गरेको छ ।
पोलिटब्यूरो सदस्य शक्ति बस्नेतले शान्ति र संविधानलाइ निश्कर्समा पुर्याउन पार्टी कडाईको साथ अगाडि बढ्ने, शान्ति र संविधानको पक्षमा जनपरिचालन गर्ने, शान्ति र संीवधान प्रक्रिया नविथोलियोस भन्नाकोलागी खवरदारी गर्ने , पार्टीभित्रको अन्र्तद्धन्द्धको समिक्षा गर्दै अत्यावश्यक निर्णय गर्ने र अहिलेसम्म भएका सहमति र कार्यान्वयनको समिक्षा गर्दै अहिलेकै सरकारबाट प्रक्रिया अगाडि बढाउने लगायतका विषयमा बैठकमा छलफल हुने जानकारी दिए ।
अर्का नेता खिमलाल देबकोटाले शान्ति र संविधान टुङगिन लागेको बेला पार्टी र सरकार विरुद्ध मोर्चाबन्दी  सहित आन्दोलन घोषणा गरेर बैद्य पक्षले आफू शान्ति र संविधान विरोधी भएको प्रमाणित गरिसकेकोले अब पार्टीले शान्ति र संविधानको पक्षमा खरो रुपमा बैठकबाट उभिने बताए ।
मोहन बैद्यले भने पहिलाको केन्द्रीय समितिको बैठकको निर्णय कार्यान्वयन नगरी अर्को केन्द्रीय समितिको बैठक बोलाउनुको औचित्य नभएको र महासचिवको अधिकार प्रयोग गरी अध्यक्षले बोलाएको बैठक अनाधिकृत हुने भन्दै त्यस्तो बैठकमा सहभागी नहुने स्पष्ट पारिसकेको छ । यता बैद्य पक्ष भने आफ्नै रणनीति बनाउन अनौपचारिक छलफलमा रहेको छ ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार